ل سەرێ کانیێ، کۆمێن چەکدارێن گرێدایی ترکیێ، کارتا ناسنامەیێ ددن مالباتێن داعشێ یێن ئیراقی، وان ل جھێ کوردان بجھ دکهن و دەمۆگرافییا سەرێ کانیێ دگوھێرن.
ل گۆری نهرینگهها سووری یا مافێن مرۆڤان، ئەنجوومەنا خوەجھی یا سەرێ کانیێ کو سەر ب حکوومەتا دەمکی یا ئۆپۆزیسیۆنا سووریێ ڤەیە، داخواز ژ وەلاتیێن ئراقی یێن ل سەرێ کانیێ دمینن کرییه، بەرێ خوە بدهن رێڤەبەرییا ناسنامەیان و کاروبارێن سڤیلان یا ل باژێر، ژ بۆ کارتا ناسنامەیێ وەربگرن.
زانیاریێن خوەجیھی ددن زانین، کەسێن ئراقی یێن ل سەرێ کانیێ دمینن، پێشتر چەکدارێن داعشێ بوون و ل ھەردوو کامپێن مەبرووکا و عەین عیسایێ دمان، چالاکڤان دبێژن: پرانییا وان وەلاتیێن ئیراقی ژ پێکھاتهیا تورکمانن و ل شوونا کوردێن سەرێ کانیێ یێن كو هاتنه كۆچبهر كرن، تێن بجھ کرن.
ئارتهشا ترکیێ و چەکدارێن گرێدایی وێ، 9ی جۆتمەھا 2019ێ ئێریشی سەر سەرێ کانیێ و گرێ سپی کرن، د ئەنجامێ دا ب سەدان ھەزار خەلک کۆچبەر و دەربدەر بوون، ژ وێ دەمێ ڤە ژی دەمۆگرافییا وان ھەرێمان دگوھێرن و مالباتێن چەکداران یێن ناڤچەیێن دن ل شوونا کوردێن رەسەن ب جھ دکن.