رێخستنا په‌كه‌كێ د ده‌ما 24 ده‌مژمێرێن رابووری ده، 10 چه‌كدارێن خوه ل باشوورێ كوردستانێ ژ ده‌ست دانه، وه‌ختا كو كه‌تنه به‌ر ئێریشێن باله‌فرێن بێ پیلۆت یێن تركیێ.
د 24 ساعه‌تێن ده‌رباسبوویی ده، باله‌فرێن بێ پیلۆت دوو جاران ئێریشی لڤ و ته‌ڤگه‌رێن چه‌كدارێن په‌كه‌كێ ل باشوورێ كوردستانێ كرنه، ستارگه‌هێن وان ل ناڤچه‌یێن ئاڤاشین هه‌ده‌ف كرن.
د ئێریشا یه‌كه‌مین ده 8 چه‌كدارێن په‌كه‌كێ هاتنه هه‌ده‌ف كرن و هه‌ر هه‌موویان جانێ خوه ژده‌ست دا، د ئێریشا دوویه‌مین ژی ده، 2 چه‌كدارێن په‌كه‌كێ كه‌تنه به‌ر مووشه‌كێن باله‌فران.
وه‌زاره‌تا به‌رگریێ یا تركیێ ئه‌ڤ یێك ئیلان كر، لێ به‌لێ هه‌په‌گێ تو ئاگاهی ل ده‌ربارێ ڤێ ئێریشێ و ژ ده‌ست دایینا چه‌كدارێن خوه نه‌دانه.
