ھاتە راگھاندن کو ھێزەکا دن یا پۆلیسێن لەشکەری یێن رووسیێ گھیشتیە باژێرۆکێ عەین عیسا یێ رۆژئاڤایێ کوردستانێ و ل وی دەرێ بجھ بوویە.
ل گۆری زانیاریان، خالا چاڤدێریێ یا پۆلیسێن لەشکەری یێن رووسی کو ھێزێن رەژیما سووری ژی ل وێ دەرێ ھەنە، نێزیکی چەپەرێن کۆمێن چەکدارێن گرێدایی ترکیێ نە کو حەتا نھا ئێریش دبرن سەر ھێزێن سووریا دەمۆکراتیک.
ھاتیە دیارکرن کو دێ ئەو خالا چاڤدێریێ یا رووسیێ ژ بۆ کۆنترۆلا ئاگربەستێ ژ لایێ ھێزێن رووسی و رەژیمێ ڤە هێتە بکارئانین.
بەریا نھا ژی جیگرێ سەرۆکێ ناڤەندا لھەڤانینێ یێ رووسی ڤیاچەسلاڤ ستنک د جڤینەکا رۆژنامەڤانیێ دا گۆتبوو، پۆلیسێن لەشکەری بۆ عەین عیسایێ ھاتینە ڤەگوھەستن.
ھەروھا بەریا نھا بەرپرسێن ھەسەدێ راگھاندبوون کو رووسیا داخوازێ ژ وان دکەت، ژ بۆ ب داوی ئانینا گەفێن کۆمێن چەکدار و ترکیێ عەین عیسیایێ رادەستی وان باکەت.
