گەلۆ براتی چیە و کی برانە؟؟؟

ھندەک کەس ھەنە هەر باس دکەن و دبێژن؛ ”نا ژ بۆ شەرێ براکوژییێ”. ھەلبەت کورد ژی ناخوازن، کورد خوە ب خوە شەرێ ھەڤ بکەن. شەرەکی وەھا د بەرژەوەندیا داگرکەران دایە. لێ…

لێ ئەو کەسێ بهێتە سەر ئەردێ تە، ڤێ هاتنێ ژی ژ بۆنا بەرژەوەندیا داگیرکەران ب کار بینیت، ئەو کەسە بکەڤنە مالا تە و دەستدرێژیی ل مالێ تە بکەن، دەستدرێژیی ل نامووسا تە بکەن، مالا تە ب سەر تە دا ھلوەشینن، پێشمێرگەیێن قەھرامان بکوژن، ب حوکمێ زۆرێ دەست ب سەر مالێ خەلکی دا بگرن و هێشتا ژی هەر بێژن ئەڤە برانە. ئەڤە چاوا برانە؟؟؟

ھەگەر برابانە دا ل گەل برایێ خوە یێن باشوورێ کوردستانێ، ژ بۆنا راگھاندنا دەولەتەکا کوردی پێکڤە کار و خەباتێ کەن. لێ ئەو ژ بۆنا تێکبرنێ کار دکەن. ژ بۆنا نە رحەتی و ئارامیا وەلاتێ تە چ لازم بیت وێ دکەن. تو ژی رابە و روونە بێژە شەرێ

براکوژییێ نابیت، حەرامە. راستە ھەگەر ئەڤە برا بانە، ئەو تشت مە نەدگۆت. ئەڤە ھێز و لەشکەرێن داگیرکەرانە. داخواز و ھەلوەستا وان ئەوە کو کوردستان نەبیتە دەولەت و کورد نەگەھن مرادا خوە. ژ بۆنا ڤێ یەکێ ژی تیئۆری نە پیدڤی نە. دڤێت ئەم ل بوویەران بنێرین و ل گۆر وێ ببینە خوەدی ھەلوەست. ئەڤ پەکەکە یا ژ لایێ دەولەتا داگیرکەرا ترکان ڤە ھاتیە دامەزراندن، د شەرێ

خوە یێ ژ بۆنا ئازادیا وەلات دکر، چ ئانی و بر، ل جهێ ئازادیا وەلات ئەو وێران کر. کەڤر ل سەر کەڤری نەهێلا. کورد ژ جھ و وارێ وان راکرن، کورد ل ترکیێ کرن پەنابەر کو هەر رۆژ تووشی بوویەرەکا قرێژ دبن. ل گۆر گۆتنا وان 17 ھەزار کوردێن ناڤا خوە دا ب توهمەتا کو میتا ترکانە دانە کوشتن.

زمانێ کوردی، عادەتێن کوردی ھەبوونێن کوردی نەهێلان دا کو چاندا کوردی تێک ببەن و د گەلەک واران دا ب سەر ژی کەتن و کەتینە. نھا ھەرکەس ڤانا دزانیت، لۆما ناخوازم ڤێ درێژ بکەم. ئەم ب ھەڤرا ب چاڤێن بێ لایەن ل بوویەر و کریارێن پەکەکێ بنێرین و ل گۆر وێ ھەلوەستا خوە ئاشکەرا بکەین، د ڤی شەرێ خوە یێ دوور و درێژ دا ل باکورێ کوردستانێ پەکەکێ چ ب دەست خست؟ هیچ تشتەک. بلا کەسێن پەکەکیی ھەما جارەکێ ڤێ بێژن و وان دەستکەفتیێن پەکەکێ ژ بۆ مە زەلال بکەن.  ب گۆتنا بەرێز عەلی عەونی، ”ھەما بلا گوندێ سەرۆکێ خوە ئازاد بکەن” دەستکەڤتییێن خوە نابێژن، ھەما ئێریشی وەلاتپارێزان دکەن دا کو کەس کریار و بوویەرێن پەکەکێ یێن قرێژ نەبێژن و نەنڤیسینن.

پەکەکە ھەلوەست و داخوازا داگیرکەران ل باکورێ کوردستانێ خوەش و باش پێک ئینا. ھەمی کوردێن وەلاتپارێز ب هاریکاریا دەولەتا ترک بێدەنگ کرن. ب هاریکاریا دەولەتا ترک ھەمی سازی و دەزگەھێن ل سەر ناڤێ کوردان یێن ل باکورێ کوردستانێ ژ بۆنا پاراستنا ترکیایەکا خورت ب کار ئانین. پارتیا ئاشکەرا ل سەر ناڤێ کوردان ب هاریکاریا میتێ دامەزراند دا کو کوردان د بن سەیوانا وێ دا بکەنە ترکیەیی. ژ بەر کو ئەڤ پارتی ب خوە ژی نابێژن ئەم پارتیا کورداینە. پرانیا وەشانخانەیێن ل باکورێ کوردستانێ کرن دەستێن خوە و دیسا ب هاریکاریا ترکان ناھێلن و ناخوازن بەرھەمێن رێ و رێبازەکا وەلاتپارێزیێ بدەتە کوردان، بێنە وەشاندن.

ب سایا دەولەتا ترکان کەسێن ل دژی وان دەردکەڤن، یان ددەنە گرتن یان ژی ددەنە کوشتن. ژ بەر کو دەولەت ب ھێزە و چ دەمێ بخوازیت دکاریت ڤێ یەکێ بکەت. یێن پەکەکە نەکاریت چارەسەر بکەت حەوالەی میتا ترکان دکەن. پشتی حەوالەکرن و بێدەنگیا باکورێ کوردستانێ، ل رۆژئاڤایێ کوردستانێ چ کرن مە ھەمیان پێکڤە دیت و دبینن. نھا ژی دەردێ وان ل سەر داخوازا داگیرکەران ئەوە کو باشوورێ کوردستانێ نەبیتە دەولەت. لۆما ژی ژ بۆنا ڤێ چ لازم بیت، ب هاریکاریا داگیرکەران وێ پێک تینن.

جھ و وارێ بەرخوەدانا وان باکورێ کوردستانێ یە، لێ ئەو ل باشوورێ کوردستانێ ژ بۆنا ژناڤبرنا کوردان کار و خەباتێ دکەن دا کو ل وێ دەرێ دەولەتا کوردی رانەگیھینن. ئەو کەتنە مالا کوردێن باشوورێ کوردستانێ و ل وێرێ ھەمی بێعاریان، نەباشیان، کریار و بوویەرێن د بەرژەوەندیا داگیرکەران دا دکەن و ھندەک ژی ھەنە دبێژن شەرێ براکوژی حەرامە. ما گەلۆ ب راستی ژی، ئەڤە برانە، ئان سەربازێن داگیرکەرانە. د ناڤبەرا دو برایان دا دبیت ناکۆکی دەرکەڤیت، لێ دەستدرێژی یا نامووسا ھەڤ ناکەن.

مالێن ھەڤ تالان ناکەن، ھەڤ فەقیر و ژار ناکەن. لێ یا پەکەکە نھا دکەت نە براتییە. ئەڤە راستە راست جێبەجێکرنا داخوازێن داگیرکەرانە.

پوستێن ھەمان بەش