رژێما ئیرانێ ئیرۆ ل گرتیگه‌ها ناڤه‌ندییا باژێرێ سنه یێ رۆژهلاتا كوردستانێ، گرتییەکی دن یێ کورد سێداره دا.
ل گۆری مالپەرا رێخستنا هه‌نگاو یا مافێن مرۆڤان، ئیرۆ سه‌رێ سبێ گرتیێ کورد یێ ب ناڤێ «مستەفا سەیفی» 28 سالی کو وه‌لاتیێ گوندێ وێژنان یێ باژارۆکێ سەولا یا ل پارێزگەھا سنە یە، د گرتیگەھا ناڤەندییا باژارێ سنە دا ھات سێداره دان.
گرتیێ کورد مستەفا سەیفی، ل 25 نیسانا 2015ێ «ل سەر نامووسێ» پسمامەکی خوە ب ناڤێ کۆسار سەیفی کوشتبوو، ژ بەر وێ ژی ھاتبوو گرتن و ب سێداره دانێ ھاتبوو مەحکووم کرن.
مالباتا کوشتی، داخوازا 3 ملیار توومەنان ژێ کربوو، لێ ژ بەر کو مالباتا مسته‌فا نکاریبوو وی دراڤی دابین بكه‌ن، ھات سێداره دان.
