کوردینۆ ھەم شیار بن، ھەم ژی ئاگەھدار بن!!!

کوردینۆ ھەم شیار بن، ھەم ژی ئاگەھدار بن!!!

ترکیا رۆژ بۆ رۆژێ بەر ب فەلاکەتێ ڤە دچیت، ھەر چەند زەخت و زۆر لێ دهێتەکرن ئەو ژی کەلا (کین) خوە د سەرێ کوردان را دەردخیت. ژ بەر کو نھا ئەو تەنێ دکاریتە کوردان، ھەگەر ئەم ژی خوەدی دەولەتەک باین، وی دەمی ترک نەدشییان ھەمی تشتێن خراب و نە د جھ دا ب سەرێ مە و گەلێ مە بینن.

ئەڤ کار و کریارێن ترکان رۆژ بۆ رۆژێ زێدە دبن. رۆژ بۆ رۆژێ ئەو ھار و دین دبن. ژ بەر کو وان ل باکورێ کوردستانێ ل سەر دەستێ پەکەکێ کوردێن وەلاتپارێز، بێ دەنگێ کرنە و دکەن.

سەدەما بێ دەنگیێ پر لایەنە. یەک ژ وان ژی ئەوە کو ھەگەر تە دەنگەکی نزم ژی ل ھەمبەر ڤێ دەولەتا داگیرکەر و فاشیست دەرخست، ئەو یەک سەر تە دگریت، کارێ تە ژ دەستێ تە تینیتە دەر. ب ڤێ یەکێ پشتا تە دشکێنیت کو تو ئێدی نەشێی هاریکاریا مالا خوە، زارۆکێن خوە بکەی دا کو بشێن بژین.

ژ بەر ڤێ سەدەمێ یە کو ئیرۆ ل باکورێ کوردستانێ بێدەنگی، ترس و خۆف ھەیە کو ڤێ ژی پەردا بێدەنگیێ کێشایە سەر  وەلاتپارێزان. لێ نھا تشتەک ژ دەستێ مە ناهێت. ژ بەر کو وەلاتپارێزن مە، پارتی و رێخستنێن مە، دام و دەزگەھێن مە، گەل و خەلکێ مە ھەمی ب ھەڤرا کەتنە بێ دەنگیەکێ کو ئەڤ ژی نە ژ خێرێ را یە. ئەڤە چ دەم دێ ژ سەر وان رابیت، ئان راکەن هێژان نە دیارە.

ھەر کو گەل و پارتیێن ئارمانجا وان ئازادیا کوردستانێ بن، بێ دەنگ دمینن، پێلا داگرکەران یا ژ بۆنا تونەکرنا کوردان زێدەتر دبیت. ھەر کو بێ دەنگی ددۆمە، زۆلم و ستەما داگیرکەرێن ترکان دەوام دکەت. ترک ھەمی نھا بوونە نژادپەرەست و ل ھەمبەر کوردان ھەمی بوونە یەک دەنگ کو کوردان ل باکورێ کوردستانێ بقەدینن. ئەو ڤێ ژی ژ ئەردۆگانێ دژمنێ کوردان دستینن. ھەر وەھا

ئەردۆگان ژی ڤێ زلما ل کوردان دکەت، ب قاوەت و پشتگریا مەھەپە یا فاشیست. مەھەپە یا ل سەر ئەساسێ نژادپەرەستیا ترکا ھاتیە دامەزراندن، ژ رۆژا دامەزراندنا خوە و حەتا نھا چ جاران فکر و رامانێن وان ب دەستێ وان نەکەتیە ژیانێ. ئەو دبێژن ئەردۆگان ژی دکەت. ژ بەر کو ئەردۆگان دترسیت کو دەستھلاتداریا خوە وەندا بکەت، خوە ب ھەر ئاوایی ب متھتپێ ڤە گرێدایە. یانی بوویە خولامۆکێ مەھەپێ.

ئەردۆگان ژ بۆنا دەستهەلاتا خوە و مەھەپێ ژی، ژ بۆنا وان فکر و رامانێن خوە یێن فاشیست جێبەجێ بکەن رێکەفتن کریە و ھەمی کار و خەباتا وان تەنھا بوویە، کوشتن، گرتن و وێرانکرنا کوردان و کوردستانێ. ھەلبەت ئەو ژی نە ب سەرێ خوە ڤان خەرابیان دکەن. پارتیا کو ل سەر ناڤێ کوردان دامەزراندیە ژی ل گەل وانە، ل پشتا وانە. تشتێن ئاکەپە و مەھەپە نەشێن بکەن ئان ناخوازن ل سەر ناڤێ وان بهێتە کرن ڤێ جارێ ژی ب سایا پەکەکێ جێبەجێ دکەن.

د شەرت و مەرجێن ئیرۆ دا ئەڤ بێدەنگیە ل دووڤ خوە تەسلیمبوونێ تینیت. ئەم باش دزانین کو ل ڤێ جیھانێ گەلەک وەلات ژ رەوشا ئیرۆ یا باکورێ کوردستانێ خەرابتر بوونە. ب دەستێن موسۆلین و ھیتلەر گەلەک عەجێب، کوشتن و مالوێرانی دیتبوون. لێ خەلکێ وان ب یەکیتیا ناڤا خوە زۆرا وان برن و ژ بۆنا خوە دەمۆکراسیەک کو ل سەر ئەساسێ مافێ ئینسانان ژ نوو دا خولقاندن.

د شەرت و مەرجێن ئیرۆ دا کو ھەمی میتۆدێن ئیشکەنجە و مالوێرانیێ ل سەر کوردان تێنە جەرباندن. دڤێت کورد ب ھەڤرس رێیا چارەسیێ پەیدس بکەن دا کو ڤێ زلمێ ژ سەر خوە و گەلێ خوە راکەن. ھەگەر ئەڤە نەهێتە کرن، ئیرۆ ل کوردستانێ گرتن و کوشتن ھەیە، سبە دێ ڤێ دەرباسی ئەورۆپا ژی کەن. ژ بەر کو د دەستێ ئەردۆگان دا رێخستنەکا وەکو پەکەکێ و داعش ھەیە. ژ بیر نەکن کو گەلەک وەلاتپارێز ب دەستێ پەکەکێ ل ئەورۆپا ھاتنە کوشتن، گەلەک ھاتن تەھدیتکرن دا کو ل دژی پەکەکێ راستیێ نەبێژن و نەنڤیسینن…

ھەردو ب ھەڤرا ئاکەپە و پەکەکە ئانکو ئەردۆگان و عەبدلا ل دژی باشوورێ کوردستانێ چالاکیان ل دار دخن دا کو وێرێ نەگەهیتە ئارمانجا خوە و دەولەتا کوردی یا سەربخوە رانەگھینن. یان ئەم دێ وەھا بێدەنگ بین حەتا کو ئەم یەک ب یەک بێنە گرتن و کوشتن، یان ژی دڤێت ئەم رێیەکێ کو ڤێ بێدەنگیێ راکەن ببینین. ئەو ژی تەنھا ژ ئەنیەک ئان ھەڤکاریەکێ رێخستنێ مە ل سەر خەتا نەتەوەیی دبیت لێ مخابن ئەو ژی ڤێ ناکەن…ئێدی ھوون دزانن…

پوستێن ھەمان بەش