رێخستنا پهكهكێ 5 گهریلایێن دن ل چیایێ گابارێ ژ دهست دان، وهختا عهسكهرێن ترك د شكهفتهكێ ده ب سهر وان ده گرت و ههر پێنج هاتن كوشتن.
د سالا نوو ده، یهكهم دهربا كو ب رێخستنا پهكهكێ كهتی ل باكورێ كوردستانێ بوو كو د 24 ساعهتێن رابووری ده، ئارتهشا ترك ئۆپهراسیۆن ل چیایێ گابارێ پێكئانی و د ئهنجامێ ده، عهسكهران ب سهر شكهفتهكێ ده گرت كو 5 چهكدارێن پهكهكێ تێده جی دگرت.
مهدیا تركیێ ئهشكهره كر كو عهسكهرێ ترك، ههر پێنج چهكدارێن كو د وێ شكهفتێ ده بوون، كوشتنه، لێ بهلێ پهكهكێ تو ئاگاهی ل دهربارێ ڤێ بوویهرێ نهدانه.
د سالا رابووری ده، رێخستنا پهكهكێ ب سهدان گهریلایێن خوه ل باشوور و باكورێ كوردستانێ ژ دهست دان، ههموهخت زرارێن مهزن ب عهسكهرێن ترك ژی كهتنه، لێ بهلێ ههر ئالییهك دانپێدانێ ب وان زراران ناده و ههژمارا كوشتیێن خوه كێمتر ژ یا راست رادگهینه.