ئارته‌شا تركیێ هێزه‌كه دن ئا له‌شكری و 12 ئه‌ره‌به كو ئالیكاریێن لۆجستی بار كرنه، شاندنه سینۆرێ ئدلبێ ل سووریێ.
ئارته‌شا تركیێ ژ شه‌ڤا ده‌رباسبوویی ڤه، 12 ئه‌ره‌به‌یێن له‌شكری، عه‌سكه‌ر و ئالیكاریێن لۆجستی ژ سینۆران ده‌رباس كر و شاندنه باشوورێ ئیدلبێ وه‌كه پشتگری ژ بۆ هێزێن وێ كو ل ور جی دگرن.
ناڤچه‌یا كو تركیێ عه‌سكه‌ر و ئالیكاری لێ ب جی كرنه، ب ناڤچه‌یا كێم كرنا ئالۆزیێ تێ حه‌ساب كرن و دكه‌ڤه گونده‌وارێ ئدلبێ ل سووریێ.
د ڤێ ده‌ربارێ ده نه‌رینگه‌ها سووری یا مافێن مرۆڤان ئه‌شكه‌ره كر، ژ ده‌ستپێكا كه‌تنا عه‌سكه‌رێن ترك د ناڤا خاكا سووریێ ده و چێكرنا هه‌رێمێن كێم كرنا ئالۆزیێ، پێتری 11 هه‌زار ئه‌ره‌به‌یێن بارهه‌لگر یێن ئارته‌شا تركیێ ده‌رباسی سووریێ بوونه، ڤان ئه‌ره‌به‌یان ب هه‌زاران عه‌سكه‌ر، تانك و پێویستیێن له‌شكری ڤه‌گوهاستنه سووریێ.
