سه‌رۆكێ ده‌سته‌یا حه‌شدا شه‌عبی یا ئیراقێ فالح فه‌یاز ئیرۆ راگهاند كو تۆلهلدانا كوشتنا قاسم سوله‌یمانی و ئه‌بو مه‌هدی وێ ب ده‌رخستنا هێزێن ئامه‌ریكی ژ ئیراقێ پێك وه‌ره.
فالح فه‌یاز ل ناڤا كۆمێن خوه‌پێشاندێران ده كو ئیرۆ رۆژا یه‌كشه‌می 3/1/2021ان ل به‌غدا ئا پایته‌ختا ئیراقێ د سالڤه‌گه‌را یه‌كه‌مین یا كوشتنا سوله‌یمانی ده برێڤه‌چوون، گۆتار خوه‌ند و تێده به‌حسا تۆلهلدانێ ژ بۆی كوشتنا قاسم سوله‌یمانی و ئه‌بو مه‌هدی موهه‌ندس كر.
فالح فه‌یاز گۆت: پێویسته بریارا پارلمه‌نا ئیراقێ یا ده‌رخستنا هێزێن ئامهریكایێ وه‌ره جی ب جی كرن.
د به‌شه‌كا دن یا گۆتنێن خوه ده، فالح فه‌یاز گۆت: پێویسته سه‌روه‌رییا ئیراقێ وه‌ره پاراستن.
تێ زانین د رۆژه‌كه وه‌كه ئیرۆ ده ل سالا رابووری، باله‌فره‌كا بێ پیلۆت یا ئامهریكایێ، هه‌ر یێك ژ قاسم سوله‌یمانی فه‌رماندارێ فه‌یله‌قا قودس یا سپایێ پاسداران و ئه‌بو مه‌هدی موهه‌ندس جێهگرێ سه‌رۆكێ ده‌سته‌یا حه‌شدا شه‌عبی ل نێزی باله‌فرخانه‌یا به‌غدایێ هه‌ده‌ف كر و كوشتن، ئیرانێ سۆز دایه تۆلهلدانێ ژ بۆی وان بكه.
