ل گوندەوارێن منبجێ د ناڤبەرا شەرڤانێن ھەسەدێ و چەکدارێن سەر ب ترکیێ ڤە شەرەکێ دژوار دەرکەت.
ھێزێن ترکیێ و چەکدارێن ئۆپۆزسیۆنا سووریێ دەڤەرێن تل رەفات، گوندێن نەیرەبیە و سمۆقە و 3 گوندێن منبج ژی تۆپباران کرن.
ل گوندەوارێ منبجێ ژی شەر د ناڤبەرا گرووپێن چەکدارێن سەر ب ترکیێ ڤە و ھێزێن ئەنجوومەنا لەشکەری یا منبجێ دا کو سەر ب ھێزێن سووریا دەمۆکراتیک (ھەسەدێ) ڤەنە دەرکەت.
ھەڤدەم چەکدارێن ترکیێ ژی پێگەھێن ئەنجوومەنا لەشکەری یا منبجێ ل گوندێن ئوم جەڵوود و ئوم ئەدەسە بۆمبەباران کرن، کو حەتا نھا چ زانیاری ل سەر زیانێن بۆمبەباران و شەری نەھاتنە راگھاندن.
د 30ێ مەھا دەرباسبوویی دە، شەر ب چەکێن گران د ناڤبەرا گرووپێن سەر ب ترکیێ ڤە و ھێزێن ئەنجوومەنا لەشکەری یا منبجێ دا دەرکەت و ھێزێن ترکیێ ژی گوندێن ساجوورا رۆژھلات ل باکورێ منبجێ تۆپباران کرن کو شەرڤانێن ئەنجوومەنا لەشکەری یا منبجێ لێ دمینن.
