رێخستنا مافێن مرۆڤان یا ھەنگاوێ راگھاند کو 17 زارۆکێن کورد ل باژێرێن رۆژھلاتێ کوردستانێ ب بەهانەیا ئەنجامدانا “خەباتێن سیاسی”، ژ ئالیێ ھێزێن ئەولەهیا ئیرانێ ڤە ھاتنە دەستەسەرکرن.
ئیرۆ رۆژا یەکشەمێ 3/1/2021ێ رێخستنا مافێ مرۆڤان یا ھەنگاوێ دەربارێ بنپێکرنێن مافێ مرۆڤان ل رۆژھلاتێ کوردستانێ داخویانیەک بەلاڤ کر و تێدا راگهاند، د ھەیاما سالا 2020ێ دا ل باژێرێن رۆژھلاتێ کوردستانێ 17 زارۆکێن کورد یێن تەمەنێ وان د ژێر 18 سالیێ دا ژ ئالیێ کۆمارا ئیسلامی یا ئیرانێ ڤە ھاتینە دەستەسەرکرن.
ھەنگاوێ دایە خویاکرن کو ئەو زارۆک ب بەهانەیا کو “خەباتێن سیاسی” ئەنجامدانە ھاتینە دەستەسەرکرن و تەمەنێ 2 ژ وان زارۆکان ژی د بن 18 سالیێ دا بوو.
ھەنگاوێ د بەشەکێ دی یێ راپۆرتێ دا دایە ئاشکەرا کرن 9 ژ وان زارۆکێن ھاتینە دەستەسەرکرن ژ سنەیێ 6 کەس ژێ ژ ئورمیێ و 2 کەس ژ وان ژی ژ کرماشانێ بوونە و د پرۆسەیا دادگەھکرنا وان زارۆکان دا مافێن مرۆڤی و یاسایی ھاتینە بن پێ کرن و ئیشکەنجەیا دەروونی بەرامبەر زارۆکا ھاتیە کرن.
