ئیران: ئەم دکارین کەشتیێن جەنگی یێن ئەمریکا یێن ل بەسرایێ ژناڤ ببەین!

نوونەرێ بلندێ لەشکەری یێ سەرۆکێ ئایینی یێ ئیرانێ جەنەرال یەحیا رەحیم سەفەوی راگھاند کو ئەو دکارن د ناڤا چەند دەمژمێران دا کەشتیێن جەنگی یێن ئەمریکا ژناڤ ببەین.

 سەفەوی بۆ تەلەڤیزیۆنا فەرمی یا دەولەتا ئیرانێ ئاخفی و وەھا گۆت: “ئەم د وارێ لەشکەری دا بۆ ھەر سیناریۆیەکێ ئامادەینە. ئەم ل شەری ناگەرین و نە ئەو لایەنیین کو دەست ب شەری بکەین، لێ ئەگەر ئێریشێ ئیرانێ بهێتە کرن، ئەم دێ بەرسڤێ دەین. ئەم ل ھەرێمێ هەموو بارەگەھ و تەڤگەرێن ئەمریکا دشۆپینن. یەکینەیێن مە ژ کەنداڤێ حەتا ئۆقیانووسا ھندێ و دەریایا عوممانێ تەڤگەرێن لەشکەری دشۆپینن. بارەگەھێن ئەمریکا یێن ل ھەرێمێ د رادارێن مەدانە و ئەم هەموو خالێن لاوازیێ دزانین. ئەم بۆ هەر سیناریۆیەکێ ئامادەینە. ئیران، د ناڤ چەند دەمژمێران دا دکاریت کەشتیێن جەنگی یێن ئەمریکی ل کەنداڤا بەسرایێ ژناڤ ببەت.”