ئارتهشا تركیێ دهست ئاڤێت ئاڤاكرنا بنگهههكه سهربازی یا نوو ل همبهری باژارۆكێ عهین عیسایێ، ل مهها رابووری ئارتهشا رووسیێ ژی ههمان گاڤ ئاڤێتییه.
ل ھەمبەر باژارۆکێ عەین عیسا یێ رۆژئاڤایێ کوردستانێ، ترکیێ بارەگەھەکە نوو یا سەربازی چێدکە و د بۆمبەبارانا دەردۆرا باژار دە، دوو وەلاتیێن سڤیل بریندار بوون.
ل گۆر چاڤکانیێن خوەجیھی، کۆمێن چەکدارێن گرێدایی ترکیێ، گوندێن ھۆشان و خالدیێ یێن ل دەڤەرا عەین عیسایێ و رێیا M4 تۆپباران کرن.
ژ بەر تۆپبارانێ دوو کەس بریندار بوون و زرارێن مادی ژی ل مال و ملکێن خەلکێ کەتنە.
ھەروھا چاڤدێرییا مافێن مرۆڤان یا سووریێ دایە زانین؛ ترکیە پێگەھا نوو ل ھەمبەر باژارۆکێ عەین عیسایێ ئاڤا دکە، ژ بۆ ڤێ مەبەستێ ژی دەست ب کۆلاندنا خەندەكان و ڤەگوھەستنا ئالاڤێن لەشکەری بۆ وێ بارەگەھا نوو کرییە، ئەڤ ژی دوویەم بنکەیا نوویا لەشکەری یە، کو د ڤان دەمێن داوی دە ئاڤا دکە.
ئارتهشا ترکیێ د 19ێ مەھا بۆری دە، یەکەم بنکەیا سەربازی نوو ل گوندێ تەمامێ یێ سەر ب عەین عیسایێ ڤەکر، کو تەنێ 2 کیلۆمەتر ژ ناڤەندا باژار دوورە.