دۆھ 4ێ چلە کەشتیەکا ب ئالایێ کۆریا باشوور ل کەنداڤێ ژ ئالیێ ھێزێن دەریاڤانیا ئیرانێ ڤە ھاتبوو دەستەسەرکرن.
ل سەر مژارێ بەردەڤکێ حکوومەتا ئیرانێ عەلی رەبیعی، ل سەر پرسا رۆژنامەڤانان یا دەستدانانە سەر کەشتیێ، کۆرەیا باشوور تاوانبار کر و گۆت، “ھەگەر ب راستی ژی کەشتی ھاتبیتە رەھین گرتن، دڤێت بێتە زانین کو حکوومەتا کۆریا باشوور زێدەتری 7 ملیار دۆلارێن مە رەھین گرتینە.”
رەبیعی د بەردەوامیا داخویانیا خوە دا ژی ئیدیعا کر کو کەشتیا تانکەرا پەترۆلێ ژ بەر بەلاڤکرنا قرێژیێ ل ناڤ کەنداڤا بەسرایێ ھاتیە دەستەسەرکرن.
ھێژایی ب بیرخستنێ یە د چارچۆڤەیا دۆرپێچێن ئەمریکایێ دا، گەلەک وەلات نکارن کارێ بازرگانی ل گەل ئیرانێ بکن و ڤەگوھەستنا پارەیان ژی بۆ ئیرانێ قەدەغەیە.
