عقید ادریس شعبان غفار
بەشا یەکەمین
ژ کەڤندا دبێژین پەکەکە دوژمنێ هزرا سەرخوەبوونا کوردستانێ یە و ئیرۆ جڤاک گهشتە وێ تێگەها هزری و کەتواری کو پەکەکە ب ت ئاوا د بەرژەوەندا گەلێ کورد دا خەباتێ ناکت.
لێ بەلێ، گەلۆ مە چ پێشگرتن کریە ژبو ڤێ پلانا دومدرێژا پارتیەکا چەکدارا کوردستانێ د چارچۆڤێ جوگرافیەکا ئاڵوز و نەئارام ژ ئالیێ ئابووری و سیاسی و ئیدارەیی، ژ پێخەمەت دروست نەبوونا شەرێ براکوژیێ مە قوربانی ب کویراتیا دەیان کیلۆمەترێن سنورێ هەرێمی دان و پێتر ژ 500 گوندێن پارێزگەها دوهۆکێ چولکرینە و سامانێن چییایی یێن پاریزگەهێ ب تەڤاهی هاتیە پیشتگوهکرن و سەدان مالبات ژ جۆتکاریێ و ماڵ و خاکا خوە ڤەقەتیانە.
ئەڤـ حیزبە یان گرۆپە ژبلی بازرگانیا باکور، ژ بۆی باشور بووینە مەترسیەکا ژەهراوی د بازرگانیا ماددێن هشبەردا، ل سالا 2017ێ دا ئامارێن مەترسێی ٪27 بوون، ئەڤرو بووینە 57٪ و بنگەها ترافیکا بازرگانی دکەڤیتە دەڤەرێن چییایی یێن باژێرۆکێ سۆران یێن ل ژێر رکێفا (پەکەکێ) کو ناڤەندەکا بازرگانیێ یا گرنگە بۆ ماددێن هشبەر دناڤبەران تالیبان و ئیرانێ دا و ب رێیا کوردستانێ ژبو تورکیا و ئەوروپا یان وڵاتێن عەرەبی.
ژبلی کو زانیاری هەبووینە لسەر کوشتن یان رەڤاندن و دزی ل وان دەڤەرین کو پەکەکە تێدا، ئەڤجا چ ب ئاشکەرا یان ژی ڤەشارتی، ئەڤە ددەمەکیدایە کو دەڤەرێن سەر ب پەکەکێ چ ب هێزا چەکی بیت یان ژی رێککەفتن، بەردەوام رێژەیا تاوانان تێدا یا بلندە و کومەڵگەهەکا نە خواندەڤا و پاشکەفتی هەیە.
ب تایبەت د ئەڤ سالەدا پەکەکە بوویە سەدەمک سەرەکی یێ لەشکرکێشیا تورکیا بوناڤـ خاکا هەرێمێ، پەکەکە بەردەوام ئیدیعایا دوژمناتیا تورکیا دکەت، لێ بەلێ د کەتواردا هاوکار و شریکن، یا بەرعاقل نینە بێی شەڕ و پێکدادان 14 جهێن ستراتیژی چول بکەن و لەشکری تورکیا ب ئاسانی جهێن وان پربکەن، هەر 14 جهـ دیارکرینە ب ناڤێن ( کوخا مجولیا ــ شەرانشا نەسارا ــ مەلاگزینکی ــ کوخا دیپشکا ــ حەفتەنین ــ کوخا مەلا یەحیا ــ سێلێ ــ ئاڤا گیزێ ــ ئێکمالێ ــ دیرەشیش ــ قەمەنزێ ــ چیایێ خامتیرــ چیایێ شاقولی ــ شەشدارێ)، نها ب شێوەکێ هەمیشەیی لەشکرێ تورکیا تێدا بجهـ بوویە و کرینە بنگەهێن سەربازی.
ئەردوگان ب ئاشکەرا دبێژیت جهێ ئەم ب شەر بگرین ئەو ئاخا تورکایە ئەڤە ئاماژەکا مەترسیدارە ب ڤێ چەندێ دەڤەرێن ئاسێ ب پیلان دانە دەستێ تورکا و (پەکەکێ) خو نێزیکی کەمەلگەهان کریە مینا دەڤەرا دینارتێ و چەمانکێ.
تێبینی: نڤیسین ژ رۆپەلا پێنوسێ پێشمەرگە هاتیە وەرگرتن
