ئارتهشا تركیێ و كۆمێن چهكدارێن گرێدای وێ، ئیرۆ جارهكه دن ئێریشی گوندهوارێ عهفرینێ و ههرێما شههبایێ كر، لڤ و تهڤگهرێن یهكینهیێن پاراستنا گهل یهپهگێ ههدهف كرنه.
ل گۆری ئاگاهیێ دهستێ مه، ئیرۆ رۆژا چارشهمی 13/1/2021ان كو رۆژا دوویهمینه ل پهی ههڤ، ئارتهشا تركیێ و كۆمێن چهكدارێن گرێدای وێ، دۆربهرا باژێرێ عهفرینێ و شههبایێ بۆمبهباران كر، ئێریشێ لڤ و تهڤگهرێن چهكدارێن یهكینهیێن پاراستنا گهل یهپهگێ ههدهف كرنه.
ئێریشا ئیرۆ ل ساعهت 12:40 پاش نیڤرۆژێ ل ههر یێك ژ گوندێن مەرعناز، مالکیێ و شوارقا یێن ناڤچەیا شەرایێ یا عهفرینێ، ههموهخت بەنداڤا شەھبا و گوندێن سەمووقا و ھربلێ ههدهف كرییه.
ئارتهشا ترکیێ و کۆمێن چەکدار، دوهـ رۆژا سێشهمی ژی باژارۆکێ تل رفعت و گوندەوارێن ھەرێما شەھبایێ، ب دژواری تۆپباران کرن، ئێریشێن دوهـ چهكدارێن یهپهگێ ل دەردۆرا باژارۆکێ تل رفعتێ و گوندێن مەرەعناز، عەین دەقنێ و بیلوونە ل ناڤچەیا شەھبایێ یا باکورێ رۆژئاڤایێ حەلەبێ تۆپباران کرن.
