په‌كه‌كه‌ ل سنۆرێ چه‌مانكێ دهێته‌ بۆمبه‌باران كرن

باله‌فرێن ده‌وله‌تا تركیێ، ئه‌ڤرۆ ئێریشێ په‌كه‌كێ ل باشوورێ كوردستانێ كر و لڤ و ته‌ڤگه‌رێن چه‌كدارێن رێخستنێ ل سنۆرێ ناڤچه‌یا چه‌مانكێ بۆمبه‌باران كر.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ئه‌ڤرۆ رۆژا پێنجشه‌مبی 14/1/2021ێ، باله‌فرێن جه‌نگ یێن ده‌وله‌تا تركیێ چه‌كدارێن رێخستنا په‌كه‌كێ ل سنۆرێ پارێزگه‌ها دهۆكێ هه‌ده‌ف كر و ئاقارێ گوندێن ناڤچه‌یا چه‌مانكێ بۆمبه‌باران كر.

ده‌ست نیشان كر، ئێریش ل ده‌مژمێر 3:00 سپێدێ هاتییه‌ كرن و باله‌فران خالێن په‌كه‌كێ د نێڤبه‌را ئاقارێن گوندێن خاله‌تا و باخیرێ دا ل ناڤچه‌یا چه‌مانكێ یا ده‌ڤه‌را گاره‌ی هه‌ده‌ف كرینه‌ و یه‌ك رۆكه‌ت لێدایه‌.

رێخستنا په‌كه‌كێ ژ بۆ كو چه‌كدارێن خوه‌ ژ ئێریشێن ئاسمانی یێن ده‌وله‌تا تركیێ بپارێزیت‌، حه‌ره‌كه‌تا چه‌كدارێن خوه‌ ئێخستییه‌ ناڤا گوند و نێزیكی باژارۆكان، په‌كه‌كه‌ ڤێ ب ئاوایه‌ك سیستماتیك ئه‌نجام دده‌ت ب ئامارنجا وێ یه‌كێ ئه‌ڤ گوند بهێنه‌ ڤالان كرن و ببن مه‌یدانا شه‌ری.