ل پارێزگەھا ئورمیێ یا رۆژھهلاتێ کوردستانێ، رهنیا بهفرێ ب سەر کۆمەکا کۆلبەران دا ھات و 5 کەسان جان ژ دهست دا.
ل گۆر مالپەرا مافێن مرۆڤان یا ھەنگاوێ، ل شەڤا بووری ل سەر سنۆرێ باکور و رۆژھهلات ل پارێزگەھا ئورمیێ، رهنیا بهفرێ ب سەر کۆمەکا کۆلبەران دا کەت، ئاگاھی دەستنیشان دکهن، د وێ روودانێ دا 5 کۆلبەران جان ژ دهست دا، لێ ھەتا نھا تەرمێن وان نەھاتنە دیتن.
تێ گۆتن، کۆلبەر ل ئالیێ باکور جان ژ دهست دانە، ژ بەر وێ ژی ھێزێن ترکیێ ناھێلن مالبات و مرۆڤێن وان ل دووڤ وان بچن.
تەڤاھیا کۆلبەرێن کو جانێ خوه ژ دهست دان، خەلکێ گوندێ کوران یێ ئورمیێ نە و ناڤێن وان ژی ئهڤهنه: عەولایی خودایی، فرات خودایی، مەتین ئەسلانی، بەلێن ئەحمەدی و یاوەر ئەسلانی.