ل چەولیگ، ئامەد و سێرتێ رێیا سەدان گوندان ھاتە گرتن

ل چەولیگێ ژ بەر بەرفێ رێیا 281 گوند و کۆمەلگەهان ھاتە گرتن. ھەر وەھا ژ بەر بەرفێ رێیا بەژایی یا ناڤبەرا ئامەد و مێردینێ ژی ھاتە گرتن. 

ل چەولیگ و ناڤچەیێن وێ 4 رۆژن بەرف ب بەردەوامی دباریت. ل ھندەک جھێن بلند و چیا بەرفەک ستوور بارییە. ل تەڤاھیا باژێر و ناڤچەیێن وێ رێیا 281 گوندان ژ بەر بەرفێ ھاتیە گرتن. تیمێن پاقژکرنا رێیان خەباتێن خوە ژ بۆ رامالینا ڤان رێیا ژ بەرفێ بەردەوام دکەن.

رێیا بەژایی یا د ناڤبەرا ئەرزەرۆم و چەولیگێ دا ژی ل هاتن و چوونێ هاتیە گرتن، رێیا بەژاھی یا د ناڤبەرا ئامەد و مێردینێ دا ژی ژ بەر بارینا بەرفا زێدە ھاتیە گرتن.

ناڤچەیێن ئامەدێ خەملین ل ناڤچەیێن فارقین، لجێ، پاسوور، ھێنێ، پیران، ئەرخەنی، و کارازێ یێن ئامەدێ ژی بەرف زێدە باریا.

ناڤەندێن ناڤچەیا ب سپیاتیا بەرفێ خەملی و ب سەدان رێیێن گوندێن گرێدایی ناڤچەیان ھاتنە گرتن.

ل سێرت و ناڤچەیێن وێ ژی ژ دوھی ب شەڤ ڤە بارینا بەرفێ بەردەوامە. رێیێن گەلەک گوندێن ناڤەند و ناڤچەیان ژ بەر بەرفێ ھاتنە گرتن.