ھێزێن رووسی ل بەرامبەر خالا لەشکەری یا ترک خالا خوە دانا

ھێزێن رووسی ل بەرامبەر خالا لەشکەری یا ترک خالا خوە دانا

 ل ئدلبێ دوبەندیێن ناڤبەرا ھێزێن رووس و ترک بەردەوامن. ھەری داوی ھێزێن رووسیایێ خالەکا لەشکەری ل ھەمبەر خالا ھێزێن ترک ل سەراقبێ ئاڤا کر کو ئەو خال ژی 50 میترا دووری جھێ ھێزێن رەژیما سووریێ یە.

چاڤدێریا مافێن مرۆڤان ل سووریێ (سۆھر) راگھاند کو ھێزێن رووسیایێ ئەندامێن ھێزێن رەژیمێ ژ وێ دەڤەرێ دوور خستن دا کو د ناڤبەرا وان و چەکدارێن گرێدایی ترکیێ دا شەر چێنەبیت و ھێزێن ترک ژی چەکدارێن خوە ژ ھەمان دەڤەرا خالا رووسی لێ ھاتیە ئاڤاکرن، ھاتنە دوورخستن.

ھێژایی ببیرخستنێیە، دو رۆژ بەرێ ژی ئارتێشا ترکیێ خالەکا لەشکەری نێزیکی گوندێ ئافسێ ل باکورێ باژێرێ سەراقبێ کو د بن کۆنترۆلا ھێزێن شامێ دایە ئاڤا کربوو.

ل گۆری زانیاریێن سۆھرێ ئەو خالا 65ێ یا ئارتێشا ترکیایە کو ل ھەرێما بێچەک ھاتیە ئاڤاکرن.

پوستێن ھەمان بەش