ل ترکیا ھەر دەمەکێ جار جار بەحسا چێکرنا دەستورەکێ نوو دهێتە کرن. لێ تو جارا ئەو دەستوورا کو بەحس لێ دهێتە کرن نەھاتیە چێکرن و ئەڤ مژارە دەمەکێ دبیتە بابەتێ گۆتوبێژێ و جارەکا دی دهێتە گرتن.
نھا جارەکا دی سەرۆک کۆمارێ ترکیا دا خویاکرن، ئەگەر ئۆپۆزسیۆن ژی ئامادە بیت ئەم دکارین کۆمسیۆنەکا ھەڤبەش ئاڤابکەین و ل سەر چێکرنا دەستورەک نوو کار بکەین. ئەم دێ ئەولی دگەل شریکێن خوە ئاخێڤن و پشترا بەحسا پرۆژەیا چێکرنا دەستووری کەین.
بێ گومان ئەڤ داخوویانیا ئەردۆگان د جھ دا رۆژەڤ گوھارت و گوھەرتنا دەستووری یان ژی چێکرنا دەستوورەکێ نوو بوو بابەتەک سەرەکی د رۆژەڤا ترکیە دا. جەهەپێ د جھدا بەرسڤا ئەردۆگان دا و گۆت: ئەردۆگان دخوازیت رۆژەڤێ بگوھریت. ئەردۆگان ئەو ئیرادە نینە کو دەستوورەکێ نوو چێبکەت.
