د ئێریشا ئیرۆ یا ده‌وله‌تا تركیێ دا كو ل سنۆرێ قه‌زا پشده‌ر یا باشوورێ كوردستانێ پێكئانییه، 10 چه‌كدارێن رێخستنا په‌كه‌كێ هاتنه ئارمانج كرن.
ئیرۆ رۆژا سێشه‌می 2/2/2021ێ، باله‌فرێن جه‌نگی یێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل گوندێ شێنێ ل سینۆرێ قه‌زا پشده‌ر یا گرێدای پارێزگه‌ها سلێمانیێ كو ئه‌ڤ گوند دكه‌ڤیته سینۆرێ قه‌ندیلێ، بۆردۆمان كر.
د ئێریشێ دا كو ل ساعه‌ت 11:00 به‌ری نیڤرۆژێ پێكهاتییه، 10 چه‌كدارێن رێخستنا په‌كه‌كێ هاتنه ئارمانج كرن و هه‌موویان جان دایه.
ئێریشا ئیرۆ یا گوندێ شێنێ، زرارێن مه‌زن ب مالێن گوندییان یێن ل ناڤه‌ندا گوندی خستنه.
وه‌زاره‌تا پاراستنا نه‌ته‌وی یا تركیێ د داخویانییه‌كێ دا ئا‌شكه‌را كر كو 10 چه‌كدارێن په‌كه‌كێ د ئێریشێ دا هاتنه ئارمانج كرن، رێخستنا په‌كه‌كێ ژی تو ئاگاهی ل ده‌ربارا ئێریشێ و ژ ده‌ست دایینا چه‌كدارێن خوه نه‌دانه.
