پشتی 4 رۆژان ژ گرتنا دەریێ سێمالکا، جارەکا دی رێڤەبەریا دەریێ سێمالکا داخویانیەک ل سەر مژارا گرتنا دەریێ سینۆری یێ سێمالکا دا و تێدا راگھاند کو ژ رۆژا دوشەمێ 8ێ شوباتا 2021ێ دێ دەری جارەکا دی دەست بکارێ خوە کەت، دا کو گەشتیار دەرباس ببن.
رێڤەبەریا دەریێ سێمالکا دیار کر کو رۆژێن شەمبی، دوشەمبی و چارشەمبی ژ بۆ دەرباسبوونا گەشتیاران ھاتینە دیارکرن.
پێش نها رێڤەبەریا دەریێ سێمالکا د 3یێ شوباتێ دا راگەهاندنەک بەلاڤ کربوو، تێدا گرتنا دەریێ سنۆر ژ لایێ باشوورێ کوردستانێ ڤە راگھاندبوو.
ئەڤ دەری ل رۆژا 4/2/2021ان ژبەر دانانا سیستەمەکێ گونجایی ژ بۆی هاتن و چوونا گەشتیاران هاتبوو گرتن.