چەکدارێن پارتییا یه‌كێتییا ده‌مۆكراتیك زارۆكه‌كێ دی یێ كورد ژ باژارێ حه‌سه‌كێ یێ رۆژئاڤا كوردستانێ ره‌ڤاند و چاره‌نڤیسا وی نه‌دیاره.
ل گۆر ئاگاھیێن ده‌ستێ مه، ئه‌ڤ پێتری حه‌فتییه‌كێ یه، چەکدارێن په‌یه‌دێ سنێله‌یه‌كێ كورد ب ناڤێ «مەحموود عادل حەسەن» رەڤاندییە و ژ بۆ جھەکی نەدیار ھاتییە برن.
هێژای گۆتنێ یه، مەحموود ژ دەربدەرێن باژارێ سەرێ کانیێ یێ رۆژئاڤایێ کوردستانێ یە.
تا نھا چ ئاگاهی و زانیاری ل سەر وی نینن، به‌ریا دوو رۆژان ژی هاتبوو راگه‌هاندن کو زارۆکەکێ کورد ب ناڤێ عەدنان محەمەد، ژ دەردۆرا کۆبانیێ ژ ئالیێ چەکدارێن په‌یه‌دێ ڤە ھاتبوو رەڤاندن و دایكا وی د ڤیدیۆیه‌كێ دا ده‌ركه‌ت و بانگ ل په‌یه‌دێ كر زارۆكێ وێ ئازاد بكن.
هێژای گۆتنێ یه، رێخستنا په‌كه‌كێ و هه‌موو پارتیێن ل ژێر سیبه‌را وێ، ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆك و جوانێن كورد ژ هه‌ر چار پا‌رچه‌یێن كوردستانێ دكه‌ت، ئه‌ڤ یێك ژی ژ هێلا رێخستنێن مافێن زارۆكان و مافێن مرۆڤان یێن ناڤنه‌ته‌وه‌یی هاتییه ته‌سبیت كرن.
