تەڤگەرا نوجەبا یا ئیراقی ژ بەر ئۆپەراسیۆنێن ترکیێ یێن ل دژی په‌كه‌كێ ل ناڤ ئاخا ئیراقێ و ھەرێما کوردستانێ پێک تێن، گەف ل ترکیێ كرن کو ئەو دێ ھەلوەستەکێ توند نیشان بده‌ن.
تەڤگەرا نوجەبا یا نێزیکێ ئیرانێ کو ئەکرەم كه‌عبی سەرۆکاتیا وێ دکەت، گۆت: وەلات د قۆناغا ژھەڤکەتنێ دا یە، ھەلوەستێن فەرمی یێن لاواز و بەرژەوەندیێن تەنگێن پارتیاتیێ وەلات کرییە مەیدانەک ژ بۆ بنپێکرن و زێدەگاڤییا وەلاتان و ھەموو ئالییان.
تەڤگەرا نوجەبا د داخویانییا خوە دا دیار کر: هه‌گه‌ر هه‌لوه‌ستێن فه‌رمی لاواز بمینن، تركیه وێ پارێزگه‌ها نه‌ینه‌وایێ هه‌تا شه‌نگالێ داگیر بكه‌ت.
نوجه‌با د داخویانیێ دا گۆتییه تركیێ، دەرسێ ژ ھێزێن داگیرکەرێن ئامەریکایێ وەربگرن.
ھەروھا رێخستنێ داخواز ژ ھکوومەت، پارلامەنتۆیا ئیراقێ و ھەموو ئالیێن پەیوەندیدار کر کو ھەلوەستەکێ یەکگرتی و توند ل بەرامبەر وان بنپێکرنان نیشان بدن، ھەگەر نا وێ گەلێ ئیراقێ و بەرگرییا وێ ھەلوەستێ نیشان بده‌ن.
