ب سه‌ده‌ما په‌كه‌كێ 718 كوردێن باكور تێن ده‌سته‌سه‌ر كرن

ب سه‌دان شێنیێن كورد ل باكورێ كوردستانێ و تركیێ پاش ب داوی هاتنا ئێریشا ده‌وله‌تا تركیێ یا ل گاره‌ی هاتنه‌ ده‌سته‌سه‌ر كرن، هه‌موو ل سه‌ر جینایه‌تا ئه‌ندامێتی و ئالیگرییا رێخستنا په‌كه‌كێ هاتنه‌ گرتن.

ل گۆر ئاگاهیێ ده‌ستێ مه‌، د 3 رۆژێن رابووری ده‌، ئۆپه‌راسیۆن ده‌سته‌سه‌ر كرنا ئالیگرێن په‌كه‌كێ ل 40 باژێرێن باكورێ كوردستانێ و تركیێ هاتنه‌ مه‌شاندن، د ڤێ ده‌مێ ده‌ 718 كه‌س ب وێ جینایه‌تێ هاتنه‌ گرتن.

چاڤكانیێن پێگه‌ها داركا مازی ل باكورێ كوردستانێ ئه‌شكه‌ره‌ كر، ژ سه‌ر‌جه‌ما كه‌سێن كو د 3 رۆژێن رابووری ده‌ هاتنه‌ بن چاڤ كرن، پرانی ژێ ل باژێرێن كوردی یێن باكورێ كوردستانێ نه‌.

تركیێ ل 10 ڤێ مه‌هێ ئێریشا سه‌ر په‌كه‌كێ ل چیایێ گاره‌ ده‌ست پێ كر، پاش ده‌رباسبوونا 4 رۆژان ئێریش ب داوی هات، تركیه‌ دبێژه‌ 3 عه‌سكه‌رێن مه‌ د ئۆپه‌راسیۆنێ ده‌ هاتنه‌ كوشتن، لێ به‌لێ په‌كه‌كه‌ دبێژه‌ مه‌ پێتری 50 عه‌سكه‌ران بن چاڤ كرنه‌.