دادگەھا بلندا ترکیێ، 2 سال و 6 مەھ جەزایێ زیندان كرنێ كو ل سهر پارلمنتهرێ کۆجالی یێ پارتییا دەمۆکراتیکا گەلان عۆمەر فارۆق ھاتبوو دهرخستن، پەسەند کر.
عومهر فارۆق، بەری ببیته پارلمنتەر، ل 21 سباتا 2018ێ ژ ئالیێ دادگەھا دوویهمین یا جەزایێن گران یا کۆجالیێ ڤە ب جینایهتا «پرۆپاگاندە کرنا ژ بۆ تەرۆرێ» ب 2 سال و 6 مەھێن زیندان کرنێ ھاتبوو جەزا کرن، پشترە دۆسییا وی بۆ دادگەھا بلند ھاتبوو شاندن.
پشتی پێداچوونا دۆسیێ، یهكهیا 16ێ یا دادگەھا بلند، جەزایێ کو ل سهر عومهر فارۆق هاتییه دهرخستن، پەسەند کر.
عومهر فارۆق ل سەر حهسابا خوە یا تویتەرێ راگهھاند کو پەسەندکرنا جەزای بریارەکا بلەزا دادگەھێ یە و گۆت: «دوو سال و نیڤە من ھەموو بەرپرسیاری و ئەرکێن خوە یێن پارلمنتهریێ، ژ بۆ ڤی مللەتی ب جهـ ئینان، بێ جوداھی کێ زولم دیت بیت ل گەل بووم، بەرسڤا دەستھلاتێ ژی ئەڤه بوو»!