فه‌رماندارێ هێزێن سووریایا ده‌مۆكراتیك مازلووم عه‌بدی، ل ده‌ربارا مژارا كوردێن رۆژئاڤا ئاخڤی و بانگ ل سه‌رۆكێ ئه‌مه‌ریكایێ كر و گۆت: «بایدن دشێت د پرۆسەیا چارەسەرییا سووریێ دا رۆلەکێ گرنگ ببینیت».
مازلووم عه‌بدی، فەرماندارێ گشتیێ ھه‌سه‌دێ، د ھەڤپەیڤینەکێ دا، ل سەر مژارێن گرنگ یێن کوردان، ب تایبەت کوردێن رۆژئاڤا وه‌لات ئاخڤی و گۆت: »ئه‌و ب هاتنا سه‌رۆكێ نوو یێ ئه‌مه‌ریكایێ كێفخوه‌شن، ژ به‌ر كو بایدن دشێت د پرۆسەیا چارەسەرییا سووریێ دا رۆلەک گرنگ ببینیت».
مازلووم عەبدی، هه‌روه‌ها گۆت: «ئه‌م ھێڤیدارن کو د بن رێڤەبه‌رییا جۆ بایدن دا شاشێتیێن کو بەرێ ھاتنە کرن، دێ هێنه راست کرن.«
فه‌رماندارێ هه‌سه‌دێ د به‌شه‌كا گۆتنێن خوه دا كو ژ بۆی ده‌نگێ ئه‌مه‌ریكایێ دانه دبێژیت: «ئەم ھێڤی دکه‌ین، رێڤەبەرییا نوو یا ئه‌مەریکی، د پێڤاژۆیا چارەسەر کرنا شەرێ ناڤخوەیی یێ سووریێ دا رۆلەکێ ئەرێنی ببینیت و ژ مە را ببیته هاریكار کو ھەرێمێن رزگارکری ببنه خوه‌دی ستاتۆ، دڤێت مافێن گەلێ کورد و گەلێن دی یێن ھەرێمێ، ب رێکا قانوونان بهێنه پاراستن».
