مەدیایا پەکەکێ ل سەر نووچەیێن خوە یێن نە راست دربارا هەرێما کوردستانێ و پێشمەرگەیان کو نەفرەت ژێ دباریت بەردەوامە. پەکەکێ داوی درەوا خوە د یەک ژ رۆژنامەیێن خوە دا کو ناڤێ وێ Yeni Yaşama Gazetesi ( رۆژناما ژیانا نو)یە بەلاڤ کریە. د ڤێ درەوا خوە دا پەکەکێ ئیدیعا کر کو بارزانی خواستیە ئێزدی ببنە موسلمان و پەشمەرگەیان ل دەما ئێرشا داعشێ دا ل سالا 2014ێ رێیا دەرگەهێ بەرئاڤە یا سحێلا قەپات کریە داکو ئێزدی رزگار نەبن و بهێنە کوشتن.
رۆژنامەیا یەن یاشام 26ی ڤێ ھەیڤێ دا دۆسیەک تایبەت کو ژ 3 بەشا پێک دھات بەلاڤکر کر. ئەڤ بەرنامە هەڤدیتنەکا تایبەتە ل گەل ئەندامەکێ رێخستانا پەکەکێ ل شەنگالێ ب ناڤێ حەسۆ ئیبراھم. ئەڤ ئاخافتنە ب 3 بەشا ھاتیە بەلاڤ کرن. ئەڤ نڤیسینە د سۆسیال مەدیایا کوردی دا گەلەک نەرازیبوون پەیدا کرن. کوردا ئەڤ نڤیسینا مەدیایا پەکەکێ وەکو سڤکاتی، ئیستیفزاز و کۆمپلۆ بناڤ کرن. کوردا گۆتن کو ئەڤ نڤیسینە ب گشتی درەون.
چ ھاتبوو گۆتن:
نڤیسینا کو مەدیایا پەکەکێ بەلاڤ کری. ئەڤ بیست سالێن داوی تێدا ھاتینە شرۆڤەکرن. د ڤێ نڤیسینێ دا کوردێن موسلمان و پێشمەرگە وەک دوژمنێن ئێزدیان داینە دیارکرن لێ بەلێ ئیران، ئیراق و عەرەب باش داینە دیارکرن.
د ڤێ نڤیسینێ دا ئیدیعا کرن کو دەما داعش ئێرشی شەنگالێ کری مەسعوود بارزانی گۆتیە بابا شێخێ سەرۆکێ روحانی یێ ئێزدیان “بێژە مللەتێ خوە بلا ببن موسلمان، ئەم ژی بەرێ ئێزدی بووین، ئەم بوونە موسلمان ھوون ژی ببنە موسلمان چ تشتەک نابیت.”
بابا شێخ 2ی جۆتمەھا 2020ێ ژیانا خوە ژ دەست دا و حەتا وی دەمی ژی نە وی و نە ژی کەسەکێ دی نە گۆتیە کو مەسعوود بارزانی تشتەکێ ب ڤی ئاوا داخواز کریە. دیارە کو پشتی مرنا بابە شێخی پەکەکێ خواستیە کو ل سەر ناڤێ وی ھندەک تشتان بەلاڤ بکەن.
راگەهاندنا پەکەکێ ئیدیعا دکەت کو پێشمەرگە ئێزدی کوشتنە
د ڤێ نڤیسینا راگەهاندنا پەکەکێ دا ھاتیە بەلاڤکرن کو ئێریشا گوندێن سبا شێخ خدر و تل عزێر ژ لایێ پەشمەرگەیان ڤە هاتیە ئەنجامدان. ئەڤ ئێرش ل سالا 2007 پێک هاتبوو و چار ترۆمبێل ھاتبوون تەقاندن و تێدا 796 کەسان ژیانا خوە ژ دەست دابوو. د ڤێ نڤیسینێ دا ھاتیە ئیدیعاکرن کو پێشمەرگە ل رۆژا ئێریشی دا ب نهێنی ھەڤرە د گەل گەڤدو ئاخافتینە و تەقینا د ناڤا ڤان گەندان دا ئەنجامدایە.
ھەمان دەمێ د نڤیسینێ دا ھاتیە ئیدیعا کرن کو دەما سالا 2014ێ داعشێ ئێریشی شەنگالێ کری، پەشمەرگەیان رێیا سحێلا یا بەرئاڤە قەپات کریە و رێ نەدایە گەل خوە رزگار بکەت. ھەمان دەمێ د ڤێ نڤیسینێ دا دهێتە ئیدیعاکرن کو پێشمەرگە چەک و جلکێن خوە داینە داعشێ کو کەس نەزانیت ئەڤە داعشن. هەر وەها راگەهاندنا پەکەکێ دبێژیت کو پێشمەرگە ژی تەقە ل خەلکێ کرییە.
ل گۆر ڤێ نڤیسینێ ھاتیە ئیدیعاکرن کو ھەڤالبەندێن ئێزدیان هەر یەک ژ ئیرانێ و حکوومەتا ئیراقێ نە. هەروەها ھاتیە ئیدیعا کرن کو ئەساسەن ئیران ناهێلیت کو رەوشا شەنگالێ خراب ببیت، ھەگەر نە ژ ئیرانێ بایە نھا ترکیا شەنگال داگیر کربا. د ڤێ نڤیسینێ دا هاتیە کو ئەمەریکا ژی هەڤالبەندا ترکیا یە و ل دژی ئێزدییا یە. عەرەب و حکوومەتا ئیراقێ گەلەک پاک و باش دیارکرینە.
ل گۆر ڤێ نڤیسینێ لایەنێ کو عەرەب کرینە دوژمنێ ئێزدیان پەشمەرگەنە. پێشمەرگە پشتی 2004ێ چوویە شەنگالێ و عەرەب عاجز کرینە ژ بەر ڤە یەکێ ژی ئەو بوونە دوژمنێ گەلێ ئێزدی.
پەکەکێ د ڤێ نڤیسینێ دا گەلەک راستی بەرەڤاژی کرینە، پەکەکە هەول ددەت کو کوردێن موسلمان و کوردێن ئێزدی بکەتە دوژمنێن هەڤدو.
رایا گشتی یا کوردا د سۆسیال مەدیایێ دا کارڤەدان نیشان دان و ئاشکەرا کرن ب ب ڤان نڤسین و گۆتنێن بێ رامان پەکەکە دخوازیت ھەبوونا حەشدا شەعبی و رێکەفتنا خوە لگەل حەشدا شەعبی مەشرووع بکەت ژ بەر ڤێ یەکێ ڤان درەوان بەلاڤ دکەت.
گەلەک کەسان د سۆسیال مەدیایێ دا ئەڤ نڤیسینا پەکەکێ وەکو سڤکاتی بناڤ کر.
