دانپێدانا یەک ژ ئەنجامدەرێن ئێریشا سەر ھەولێرێ ھاتە بەلاڤکرن

دانپێدانا یەک ژ ئەنجامدەرێن ئێریشا سەر ھەولێرێ ھاتە بەلاڤکرن

ئەنجوومەنا ئاساییشا نشتمانی یا ھەرێما کوردستانێ دانپێدانا یەک ژ تاوانبارێن ئێریشا مووشەکی یا سەر باژێرێ ھەولێرێ بەلاڤ کر.

شەڤا 15ێ شوباتا 2021ێ، ئێریشەکا مووشەکی ب سەر باژارێ ھەولێرێ و بنکەیا سەربازییا بیانیان ل بالافرگەھا ناڤدەولەتی یا ھەولێرێ دا ھاتە ئەنجامدان.

د ئەنجاما ئێریشێ دا وەلاتیەکی و بازرگانەکێ بیانی ژیانا خوە ژ دەست دان و 2 ھەموەلاتی و 5 سەربازێن ئەمریکی ژی بریندار بوون.

14 مووشەک بەر ب ھەولێر و بالەفرگەها ھاتنە ئاڤێتن.

پشتی بوویەرێ، ھێزێن ئەولەھیێ یێن ھەرێما کوردستانێ یەکسەر دەست ب لێکۆلینێ کرن و ترۆمبێلا کو تەرۆریستان مووشەک ژێ ئاڤێتبوون، دیتن.

پشتی لێکۆلینێ، ناسنامەیێن چار ئێریشکاران ھاتنە ئاشکەراکرن.

تاوانبارێ کو دانپێدانا وی ھاتیە بەلاڤکرن؛ ناڤێ وی “حەیدەر ھەمزە عەباس مستەفا”یە و خەلکێ ناڤچەیا حەمدانیێ یە و ل ناڤچەیا خەباتا سەر ب باژێرێ ھەولێرێ نشتەجی بوویە و ھێسانکاری ژ بۆ وەرگرتنا دەستوورا نشتەجیبوونێ ژ بۆ یەک ژ تەرۆریستان کریە و ژ بۆ ئانینا مووشەکان هاریکاری کریە.

کەسێ دەستەسەرکری، د دانپێدانا خوە دا ئاشکەرا کر کو ئەو گرووپەکێ چار کەسی بوونە و سەر ب کەتائیبێ سەییدول شوھەدا نە و مووشەک مووشەکێن ئیرانێ بوونە و ل نێزیکی ھەولێرێ ئاراستەیی بالافرگەھێ کرنە.