3 چه‌كدارێن په‌كه‌كێ ب كوژمێ 2 ملیۆن دۆلارێن ئه‌مه‌ریكی ل ناڤچه‌یێن سینۆر كه‌تن ده‌ستێ ئارته‌شا تركیێ، چه‌كداران د خوه‌ست ڤان په‌ره‌یان بگهینن رێخستنێ.
ل ناڤچه‌یا راعی یا گرێدای باژارۆكێ بابێ ل سینۆرێ باكورێ كوردستانێ و سووریێ، 3 چه‌كدارێن په‌كه‌كێ ب كوژمێ 2 ملیۆن دۆلارێن ئه‌مه‌ریكی كه‌تن ده‌ستێ ئارته‌شا تركیێ، چه‌كداران د خوه‌ست ده‌رباسی منبجێ ببن ژ بۆ كو وان په‌ره‌یان بگهینن رێخستنا په‌كه‌كێ.
ئاژانسا ئه‌نادۆلێ یا ده‌وله‌تا تركیێ به‌لاڤ كر كو ئه‌ڤ چه‌كدار هاتنه بن چاڤ كرن و دانپێدان كرنه كو وان دخوه‌ست ڤان په‌ره‌یان بگهینن به‌رپرسێن په‌كه‌كێ ل منبجێ.
هێژای گۆتنێ یه، سته‌ندنا ب زۆر یا باجێ ژ شێنی، وه‌زیفه‌دار، خوه‌دیكار و بازرگانێن رۆژئاڤا كوردستانێ، هه‌موه‌خت بازرگانییا مادده‌یێن هشبه‌رێ، چاڤكانییا سه‌ره‌كه یا داراییا رێخستنا په‌كه‌كێ یه، ئه‌ڤ یێك ژ هێلا یورۆپۆل پۆلیسێن یه‌كێتییا ئه‌ورۆپایێ ڤه هاتییه ته‌سبیت كرن.
