ھەبوونا کوردان ل خانەقینێ د خه‌ته‌ریێ دا یە

ھەبوونا کوردان ل خانەقینێ د خه‌ته‌ریێ دا یە

بەرپرسێ پارتییا ده‌مۆكرات یا كوردستانێ ل باژارێ خانەقینێ دبێژیت: «ئەگەر د ھاوارا خانەقینێ نەچن، ھەبوونا کوردان ل وێرێ دێ كه‌ڤیته‌ د خه‌ته‌ریێ دا».

بەرپرسێ په‌ده‌كێ ل خانەقینێ، شێخ جه‌عفه‌ر مستەفا ژ باس نیۆزێ را گۆت: «ل خانەقینێ ب تایبەت ل گوندێن خانەقینێ ب بەھانەیێن ڤالا و جور ب جور، زەڤی و مالێن کوردان تێن داگیر کرن».

ھەروه‌ھا گۆت: «ئەوا کو ئانینە سەرێ پەلکان و سەرگەڕانێ، ژ وێ خرابتر تینن سەرێ خانەقینێ».

وی بەرپرسێ کورد دا زانین ژی، د بن ناڤێ پاراستنا مالباتێن عه‌ره‌ب دا، ژ مالباتێن چەکدارێن حه‌شدا شه‌عبی را خانییان ئاڤا دکه‌ن و دخوازن دەمۆگرافییا خانەقینێ بگوھەرینن.

ب گۆتنا شێخ جه‌عفه‌ر مستەفا، ئەگەر کورد بلەز ب ھاوارا خانەقینێ نەچن، دێ خانەقین ژ دەستێ کوردان دەرکەڤیت و ھەبوونا کوردان ل وێرێ کەڤیتە د خه‌ته‌ریێ دا، ملیس و ئالیێن سیاسی یێن ئیراقێ دخوازن خانەقینێ ب تەمامی شیعە بكه‌ن و کوردان ژێ دەرخینن.