ئاكه‌په‌: پوولا نەخشەیا کوردستانێ ل سەر بۆ دژمناتییا ترکیێ یە

ئاک پارتی: پوولا نەخشەیا کوردستانێ ل سەر بۆ دژمناتییا ترکیێ یە

بەردەڤکێ ئاک پارتیێ ئۆمەر چەلیک، ل ناڤەندا گشتییا پارتییا خوە ل ئەنقەرێ، د دەما کۆمبوونا ئەنجوومەنا ناڤەندییا ئاک پارتیێ دا جڤینەکا رۆژنامەڤانی ساز کر و دیار کر، ئەو پوولا کو د چارچۆڤەیا سەردانا پاپا فرانسیس دا ل ھەولێرێ ھاتییە پێشاندان و نەخشەیا کوردستانێ ل سەر بوو، ژ بۆ دژمانتییا ترکیێ بوو.

ئۆمەر چەلیک دا زانین، ئه‌و ژ نێزیک ڤە چاڤدێرییا پێشھاتێن ئیراقێ دکه‌ن و چاڤدێرییا سەردانا پاپایێ ڤاتیکانێ پاپا فرانسیس ژی کرنە.

چەلیک دەربارێ پوولا ب بۆنەیا سەردانا پاپا بۆ ھەرێما کوردستانێ دا ھاتبوو چێکرن گۆت: «ئەو ل چەند جھێن جودا، ژ ئالیێن چەند چینێن جودا ڤە تێ کرن، ئەو کارەکی نەراست و شاشە، بەرێ ژی نەخشەیەکێ ب ڤی ئاوایی ل فره‌نسا دەرکەتبوو، ئەرمەنستان ژی جار جاران دکەت، کارێ ھندەک ناڤەندانه‌ كو بۆ دژمناتیا ترکیێ یە«.

ب بۆنەیا سەردانا پاپا فرانسیس بۆ ھەولێرێ وەزارەتا ڤەگوھەستن و گه‌ھاندنێ یا ھەرێما کوردستانێ 6 پوولێن پۆستان چێکرن یەک ژ وان نەخشەیا کوردستانێ ل سەرە.

چاڤكانی: peyamakurd