مەسیحیێن ئیراقێ پرۆژەیاسایا دادگەھا فەدەرالی پرۆتەستۆ دکەن

مەسیحیێن ئیراقێ پرۆژەیاسایا دادگەھا فەدەرالی پرۆتەستۆ دکەن

مەسیحیێن ئیراقێ ژ بەر کو مافێن کێمینەیان و پێکھاتەیێن ئۆلی تێدا نینە، ژ پرۆژەیاسایا دادگەھا فەدەرالی یا ئیراقێ کو ھاتیە ئامادەکرن نەرازی نە و رەد دکن.

ئەنداما مەسیحی یا پارلەمەنتۆیا ئیراقێ بەیدا خدر، ژ بۆ تەلەڤیزیۆنا ئیراقی یا ب ناڤێ دیجلە دا خویاکرن کو ئەو دێ د جڤینا ئیرۆ یا فراکسیۆنان دا ب فەرمی کارڤەدانا خوە ل ھەمبەر پرۆژەیاسایا دادگەھا فەدەرالی نیشان بدن.

بەیدا خدر گۆتیە، ئەو دەنگی نادن وێ پرۆژەیاسایێ ژ بەر کو مافێن کێمینەیێن ئەتنیکی و ئایینی د وێ قانوونێ دا ھاتیە بنپێکرن.

بەیدا خدر بەری نھا ژی دابوو خویاکرن کو د ناڤ ئەندامێن دادگەھا فەدەرالی دا تەنێ یەک ژ کێمینەیێن ئەتنیکی و ئایینی ھاتیە دەستنیشانکرن، ئەو ژی مافێ وی یێ دەنگدانێ نینە.

ھەروھا پارلەمەنتەرا مەسیحی دابوو زانین کو پارلەمەنتەرێن کورد ژی پشتەڤانیا وان دکن.