“په‌كه‌كه‌ ب ئاوایەک بەرنامەکری باشوورێ کوردستانێ مینرێژ دکەت”

هەر کو دچیتە پێتر مەبەستا قرێژا پەکەکێ ل باشوورێ کوردستانێ ئاشکەرا دبیت، پەکەکە ب هەموو ئاوایەکی ل دژی باشوور کار دکەت و پرسگرێکان ژێرا دروست دکەت، ئەو ب داگیرکرنا گوندێن باشوور ب تەنێ رحەت نابیت، بەلکو هندەک ئەردێ هەرێما باشوور مینرێژ کریە و وەکو ناڤچەیا لەشکەری راگهاندیە.

پێش نها د نووچەیەکی دا مە ئاشکەرا کربوو کو پەکەکێ ب ئاوایەک بەرنامەکری کار ل سەر مینرێژکرنا هەرێما کوردستانێ کریە، هەر جیهـ و ناڤچەیەک ب TNT و مینێن چاندی پر کریە، ئەڤ زانیاریە ژ لایێ چاڤکانیێن تایبەت یێن پێگەها مە د ناڤا پەکەکێ ب خوە دا ژ بۆی مە هاتبوون شاندن، ل سەر ڤێ یەکێ مە گەلێ باشوور هایدار و هشیار کربوو.

چاڤكانیێن پێگه‌ها داركا مازی د ناڤا رێخستنێ دا ئیرۆ رۆژا شەمبی 13/3/2021ان ئاشكه‌را‌ كر، رێخستنا په‌كه‌كێ ل دەما رابووری هه‌ژماره‌كا‌ بۆمبێن چاندی و TNT و رۆكه‌ت ل سه‌ر رێیا گوندێن نێزی بنگەهێن چەکدارێن خوە چاندبوون، لێ نها ناڤچەیێن دوور ژ بنگەهێن خوە ژی مین رێژ دکەت، هەر ژ بەر ڤێ سەدەمێ شەڤا رابووری یەک ژ وان بۆمبەیان ب ترۆمبێلەکە پێشمەرگەیێن کوردستانێ دا تەقی و پێشمەرگەیەک شەهید و یەک دی بریندار کر.

هەرچەند کو هێزێن ئه‌وله‌هیێ یێن باشوورێ وه‌لات هندەک ژ ڤان بۆمب و TNT یێن رێخستنا په‌كه‌كێ پووچ كرنه‌ لێ جارەکا دی تیمێن تایبەت یێن رێخستنا پەکەکێ دەست ب دانینا بۆمبەیان ل ناڤچەیێن جودا یێن باشوورێ وەلات کریە، ب ئاوایەکی کو مەترسیەک هەری مەزن کەتیە سەر جانێ هەموەلاتیێن باشوورێ کوردستانێ ب گشتی و گوندیێن باشوور ب تایبەتی.