کۆلبەرەکێ رۆژھلاتێ کوردستانێ ژ لایێ سەربازێن ترکیێ ڤە ھاتە کوشتن

کۆلبەرەکێ رۆژھلاتێ کوردستانێ ژ لایێ سەربازێن ترکیێ ڤە ھاتە کوشتن

کۆلبەرەکێ کورد یێ رۆژھلاتێ کوردستانێ ژ ئالیێ ھێزێن ترکیێ ڤە د بن ئیشکەنجێ دا ھاتە کوشتن.

مالپەرا مافێن مرۆڤا یا ھەنگاوێ راگھاندیە، دوھی ب شەڤ کۆمەکا کۆلبەرێن کورد یێن خەلکێ گوندێ گڤارا یێ ناحیا کۆتۆلێ یا باژێرێ خۆی ل پارێزگەھا ئۆرمیێ یا رۆژھلاتێ کوردستانێ، ل رەخێ باکوورێ کوردستانێ ژ ئالیێ ھێزێن ترکیا ڤە ھاتنە گرتن.

ل گۆری ئاگاھیان، سەربازێن ترکیێ ب توندی ل وان کۆلبەران دان و ئیشکەنجەیەک گران ل وان کرن.

ل گۆری ئاگاھیان، د ئەنجاما وێ ئیشکەنجێ دا کۆلبەرەک ب ناڤێ بورھان محەمەدی (23 سالی) جانێ خوە ژ دەست دا.

حەتا نھا ژی تەرمێ وی کۆلبەری ل جەم ھێزێن ترکیا یە و مالباتا وی ژی ژ بەر داخستنا سنۆرا نکارن بچن تەرمێ کورێ خوە بینن.

سەربازێن ترکیێ ھەر وھا دەست دانا سەر کۆمەک ھەسپ و ھێسترێن کۆلبەران ژی.