د  سۆسیال مەدیایێ دا ھاتە ئیدیعاکرن کو عەبدوللا ئۆجەلان مریە

د  سۆسیال مەدیایێ دا ھاتە ئیدیعاکرن کو عەبدوللا ئۆجەلان مریە

گەڵۆ راستە عەبدوللا ئۆجەلان مریە؟

دو‌هـی ئێڤاری د سۆسیال مەدیایێ دا ھندەک پەیێجێن شەخسی و نە دییار ئیدیعا کر کو عەبدوللا ئۆجەلان ژییانا خوە ژ دەست دایە. ئالیگرێن پەکەکێ د سۆسیال مەدیایێ دا ل سەر ڤێ مژارێ گەلەک راوەستیان و پشترا ژی ئیرۆ پارێزەرێن عەبدوللا ئۆجالان سەرەدانا دۆزگەرییا بورسا کر و گۆتن کو پێدڤیە ئەم بزانین کا چ ب سەرێ عەبدوللا ئۆجالان ھاتییە.

لێ بەلێ دەردۆرێن سییاسی دیارکر کو ئەڤ نووچە نە راستە. یێ ئەڤ نووچە بەلاڤ کری ئالیگرێن پەکەکێ ب خوە بوون. وان ژ بۆی کو ژ بۆی خوە رۆژەڤەکێ چێکەن ئەڤ نووچە بەلاڤ کر. ژ بەر ڤێ یەکێ ژی چ راستی ژ بۆی ڤێ نووچێ نینە. ژ بلی ئالیگرێن پەکەکێ ژی کەسەک دی باوەر ژ ڤی نووچە نەکر.

ژ بەر کو بەرییا نها ژی پەکەکێ ھەمان رێباز ب کار ئانیبوو. ھەری داوی 16ێ جۆتمەها 2017ان دەما کەرکووک ھاتیە داگیرکرن دیسا لی سۆسیال مەدیایێ ھەمان نووچەیێ مرنا عەبدوللا ئۆجالان ھاتبوو راگھاندن. دەما گەلێ کورد ژ بۆی کەرکووکێ چالاکی دکرن پەکەکێ مرنا عەبدوللا ئۆجالان کرە رۆژەڤ و ئالیگرێن وێ ژ بۆی ئۆجالان چالاکی کرن و خوە ژ بۆی کەرکووکێ بێدەنگ کربوون.  وی دەمی دەولەتا ترک ژی ھەمان مەسەلە کرە رۆژەڤ. پشتی مەسەلا کەرکووکێ خلاس بووی مەسەلا مرنا عەبدولا ئۆجالان ژی  ب بێ دەنگی قەپات بوو و کەسێ بەحس لێ نەکر.

بسپۆرێن سییاسی وەها شرۆڤە دکەن کو ڤێ جارێ ژی ھەمان رێباز دهێتە بکار ئانین. ژ بەرکو پەکەکە د گەلەک پرسگرێکان دا دژیت و دخوازیت گرسەیا خوە ب ڤی رەنگی زندی بکەت، و خوە دەرخیتە پێش.