ژ بۆ گرتنا ھەدەپێ دۆز ھاتە ڤەکرن!

ژ بۆ گرتنا ھەدەپێ دۆز ھاتە ڤەکرن!

بەریا دەمەکێ سەردۆزگەریا کۆماری یا دادگەھا بلندا ترکیێ، ب مەبەستا گرتنا ھەدەپێ ل دادگەھا دەستوورا بنگەھین دۆز ڤەکر.

ئیرۆ ل لژنەیا گشتی یا پارلەمەنتۆیا ترکیێ بریارا جەزاکرنا پارلامەنتەرێ ھەدەپێ کۆجاعەلی عۆمەر گەرگەرلیۆگلو خواندبوو و ب وی ئاوایی پارلەمەنتەریا گەرگەرلیۆگلو ھاتە ھلوەشاندن.

هێژایی گۆتنێ یە سەرۆکێ مەھەپێ دەولەت باخچەلی ب بەردەوامی داخوازا گرتنا ھەدەپێ دکەت. ھەدەپێ د ھلبژارتنا 2018ێ دا 67 کورسی ل پارلەمەنتۆیا ترکیا ب دەست خستبوون. ھەروھا پارێزبەندیێن پارلەمەنتەرێن ھەدەپێ لەیلا گوڤەن و موسا فارسۆگلو ئایھان بیلەگن د سالا 2020ێ دا ھاتبوون راکرن و چەند پارلەمەنتەر ژی ژ ناڤا هەدەپێ دەست ژ کار کێشابوون و نھا ژمارەیا پارلەمەنتەرێن ھەدەپێ بوویە 55 پارلەمەنتەر.