دژە تەرۆرا کوردستانێ بەرسڤا بەرپرسەکێ حەشدا شەعبیدا 

دژە تەرۆرا کوردستانێ بەرسڤا بەرپرسەکێ حەشدا شەعبیدا 

دژە تەرۆرا کوردستانێ ل سەر حەسابا خوە یا تۆرا مەدیایا جڤاکی یا فەیسبۆکێ بەرسڤا فەرماندەیەکێ کۆما سەییدول شوھەدا یا حەشدا شەعبی، ئەبوو ئالا ئەل وەلایی دا و راگھاند: “ھوون نە نوونەراتیا ئیراقێ دکن و نە ژی خوەدیێ ستاتویەکا فەرمی نە، ھوون تەرۆریستێن ترسۆنەکن و ل سەر داخوزێن ئاغایێن خوە وەلاتی وێران دکەن.”

دوھی فەرماندەیەکێ کۆما سەییدول شوھەدایا حەشدا شەعبی، ئەبوو ئالا ئەل وەلایی ئێرشی ھەرێما کوردستانێ کربوو و گەفا وێ یەکێ خواربوو، ناهێلن یاسایا بوودجەیا ئیراقێ ب سوودا ھەرێما کوردستانێ بهێتە پەسەندکرن.

ئیرۆ رۆژا چارشەمێ 17/3/2021زێ دژە تەرۆرا کوردستانێ بەرسڤا ئەبوو ئالا ئەل وەلایی دا و راگھاند: “ل سەر داخوازا ئاغایێن خوە ھوون وەلاتی وێران دکەن و ھەر رۆژ ل جھەکی کریارێن تەرۆریستی ئەنجام ددەن، ھەموەلاتیێن سڤیل دکەنە قوربانی و جھێن گشتی و فرۆکەخانەیێن مەدەنی مووشەکباران دکەن و ئێریشی ھەڤپەیمانان دکەن.”

ھەروھا دژە تەرۆرا کوردستانێ ئاشکەرا ژی کریە وە د 16ێ ئۆکتۆبەرا سالا 2017ێ خوە بەرامبەر سەرۆک بارزانی جەراند، لێ بەلێ ھوون شکەستن و شەرمەزاری ژ بۆ وە ما.