پرۆفیسۆر. در. قەدری یلدرم ب خاکێ ھات سپارتن 

پرۆفیسۆر. در. قەدری یلدرم ب خاکێ ھات سپارتن 

ئاکادەمیسیەن سیاسەتمەدار پرۆفیسۆر. در. قەدری یلدرم ئیرۆ ب بەشداریا ھەزاران حەزکری، دۆست ھەڤال و خوەندکارێن خوە ل دیاربەکرێ ب خاکێ ھات سپارتن.

پرۆفیسۆر. در. قەدری یلدرم بەریا چەند رۆژان ژ بەر نەخوەشیا خوینێرژیا مەژی ژ بۆ نەخوشەخانەیا زانینگەھا دیجلە یا دیاربەکرێ  ھاتبوو هنارتن و پشتی چارەسەریا چەند رۆژان دوھێ کۆچا داوی کربوو.

ئیرۆ رۆژا شەمبی 27/3/2021ێ ێ ل دیاربەکرێ ب بەشداریا سیاسەتمەدار، نوونەرێن پارتیێن سڤیل و رێخستنان خوەندکار و ھەڤکارێن قەدری یلدرمێ ل زانینگەھا ئارتوکلویێ و ب ھەزاران ھەموەلاتیان جەنازەیێ قەدری یلدرم ب خاکێ ھات سپارتن.

پرۆفیسۆر. در. قەدری یلدرم کییە؟

قەدری یلدرم د سالا 1959ێ ل ناڤچەیا لجێ ژ دایک بوویە. 13 سال مامۆستەیی یا ئیبتیدایی یێ کرییە، سالا 1984ێ د فاکولتەیا ئیلاھیات یا زانکۆیا ھەرانێ دا دەست ب خواندنا ماستەر و دۆکتۆرایێ کرییە. سالا 1999ێ ل زانکۆیا دیجلە دەست ب وانەگۆتنێ کرییە و سالا 2010ێ ژی بوویە پرۆفیسۆر. وی د زانکۆیا ئارتوکلیێ دا کارێ جێگرێ سەرۆکێ زانکۆیێ کریە و ھەروەھا رێڤەبەریا ئەنستیتویا زمانێن زندی و سەرۆکاتیا بەشێ زمان و کولتورێ کوردی کرییە. خزیرانا سالا 2015ێ د لیستەیا پارتیا دەمۆکراتیکا گەلان (هەدەپێ) دا بوو پارلەمەنتەرێ سێرتێ.

قەدری یلدرم حەتا نھا دەربارێ زمان، ئەدەبیات، دیرۆک و رێزمانا کوردی دا ب دەھان کتێب نڤیساندینە و د سالێن داوی دا پێشەنگیا خواندن و نڤیساندنا کوردی کریە ل باکورێ کوردستانێ.