ئیرانێ ب ده‌هان كه‌سێن به‌شداری نه‌ورۆزێ بووین گرتن

ئیرانێ ب ده‌هان كه‌سێن به‌شداری نه‌ورۆزێ بووین گرتن

ره‌ژیما ئیرانێ ب ده‌هان كه‌سێن كورد كو به‌شداری ئاهه‌نگێن نه‌ورۆز و سه‌ر سالا كوردی بووین، ل باژێرێن رۆژهلاتا كوردستانێ ده‌سته‌سه‌ر كرن.

ل گۆری رێخستنا هه‌نگاو یا مافێن مرۆڤان ل رۆژهلاتا كوردستانێ، ب دەھان کەسێن ژ بەر کو بەشداری چالاکیێن پیرۆزکرنا جەژنا نەورۆزێ بوونە، ھاتن گرتن.

ده‌ست نیشا كر، ھێزێن ئیرانێ ئۆپەراسیۆن ل سەر خەلکێ دانە دەستپێکرن و د ناڤ چەند رۆژێن بۆری دا ل باژارێن سنە، مەریوان، شنۆ و بانە یێن رۆژھلاتێ کوردستانێ ھەری کێم 14 کەس ژ بەر نەورۆزێ ھاتنە گرتن و ھین ژی گرتنا وەلاتییان بەردەوام دکە.

ھات زانین وەلاتیێن کو ھاتنە گرتن، ب به‌هانه‌یا ئالیگریا پارتیێن رۆژھلاتێ کوردستانێ یێن نەیارێن ره‌ژیما تەھرانێ ھاتنە گرتن.