سه‌رۆكێ هه‌رێما باشوورێ كوردستانێ ب سه‌ردانكه فه‌رمی ل فرانسایێ یه، ئیرۆ وێ ل گه‌ل ئه‌مانوێل ماكرۆن د جڤه، پێشخستنا تێكلیێن پاریس و هه‌ولێرێ، رۆژه‌ڤا ئیراقێ و ناڤچه‌یێ ب گشتی د جڤینێ ده تێ نیقاش كرن.
ب ڤەخوەندنەکە فەرمییا ئەمانوێل ماكرۆن سەرۆک کۆمارێ فرانسایێ، نێچیرڤان بارزانی سەرۆکێ ھەرێما باشوورێ کوردستانێ سەردانا فرانسایێ كر و ئیرۆ رۆژا سێشەمی 30-3-2021ان ل کۆچکا ئیلیزێ ل پاریسێ ل گەل سەرۆک ماكرۆن کۆم دبیت.
ھەر دوو سەرۆک پێشخستنا پەیوەندیێن ھەرێما باشوورێ کوردستانێ و ئیراقێ ل گەل فرانسایێ، رەوشا ئیراقێ، ھەرێما کوردستانێ و ناڤچەیێ ب گشتی، پەژیکا کۆڤید-19 و ئەنجامێن وێ نیقاش دكن.
ل گۆری داخویانییا سه‌رۆكتییا هه‌رێما باشوورێ كوردستانێ، هه‌روه‌ها خه‌ته‌ریێن تەرۆر و ئەرکێ ھەڤپەیمانییا ناڤدەولەتی، گرینگییا ھەڤکاری و ھەڤبەشیا ھەموو ئالییان یا ژ بۆ رووبرووبوونا داعشێ و چەند پرسەکێن دن ژی دێ مژارێن گرینگ و ھەڤبەش یێن ڤێ جڤینێ بن.
