دوو به‌رپرسێن گرنگ یێن په‌كه‌كێ ل باكور تێن هه‌ده‌ف كرن

دوو به‌رپرسێن گرنگ یێن په‌كه‌كێ ل باكور تێن هه‌ده‌ف كرن

دوو به‌رپرسێن رێخستنا په‌كه‌كێ ل باكورێ كوردستانێ، كه‌تن به‌ر هێرشا عه‌سكه‌رێ ترك و هاتن هه‌ده‌ف گرتن كو یه‌ك ژ وان د كاته‌گۆرییا ره‌نگ سۆر یا ده‌وله‌تێ دا‌ بوو.

ل گۆری ئاژانسا ئه‌نادۆلۆیێ یا ده‌وله‌تا تركیێ، د ئۆپه‌راسیۆنا ب ناڤێ ئه‌ره‌ن 5ێ دا كو ل سنۆرێ مێردینێ یا باكورێ كوردستانێ ل دژی رێخستنا په‌كه‌كێ ده‌ست پێ كرییه‌، 6 چه‌كدارێن رێخستنێ هاتنه‌ هه‌ده‌ف كرن.

ده‌ست نیشان كر، دوو ژ وان چه‌كدارێن په‌كه‌كێ به‌رپرسێن رێخستنێ نه‌ ل مێردینێ ب ناڤێ حه‌سه‌ن مه‌حموودی كو د كاته‌گۆرییا ره‌نگ سۆر یا ده‌وله‌تێ دا بوو و یێ دی ب ناڤێ تەییوپ چام كو د كاته‌گۆرییا ره‌نگ پرته‌قالی دا‌ بوو.

ل گۆری داخویانییا وه‌زاره‌تا ناڤخوه‌ یا تركیێ، ئه‌ڤ هه‌ردوو به‌رپرسێن په‌كه‌كێ ژ 2016ێ به‌شداری گه‌له‌ك چالاكیێن رێخستنێ ل دژی عه‌سكه‌ر و جه‌ندرمه‌یێن ترك ل باكورێ كوردستانێ بووینه‌.

رێخستنا په‌كه‌كێ ل ده‌ربارا هه‌ده‌ف گرتنا ڤان به‌رپرسێن خوه‌ چ داخویانی و ئاگاهی به‌لاڤ نه‌كرینه‌.