چەکدارێن رێخستنا تەرۆریستی یا داعشێ، ل خورماتوویێ دو ماسیگر رەڤاندن و پشترا ژی ئەو کوشتن.
رێڤەبەرێ پۆلیسێن خورماتوو ئەمێد حوسێن عەلی دایە دیارکرن کو چەکدارێن داعشێ ل ناڤچەیا زەرگەیا نێزیکی خورماتوو 2 نێچیرڤانێن ب ناڤێن سوفیان ھاشم و رەشید مونزیر رەڤاندن.
حوسێن عەلی دا زانین کو دۆھی 3یێ نیسانێ دانێ ئێڤارێ تەرمێ یەک ژ وان ماسیگران ھاتیە دیتن کو ھاتە زانین دەرەنگیا شەڤا بۆری ھێزێن ئەولەھیێ تەرمێ نێچیرڤانێ دی ژی دیتیە.
ھەردو ماسیگر خەلکێ باژێرۆکێ دۆرە یا باژێرێ تکریتێ نە و کارێ نێچیرا ماسیان دکر.
