ترکیا ل کانیماسێ ئێریشی پەکەکێ کر

ترکیا ل کانیماسێ ئێریشی پەکەکێ کر

ئیرۆ ژی ئێریشێن ئاسمانی یێن دەولەتا ترکیا ل سەر بنگەهـ و ستارگەهێن پەکەکێ د ناڤا باشوورێ کوردستانێ دا بەردەوام بوون.

چاڤکانیێن پێگەها دارکا مازی ل باشوورێ کوردستانێ راگهاندن، ئیرۆ رۆژا دوشەمبی 5/4/2021ێ ستارگەهێن پەکەکێ ل سنۆرێ کانی ماسێ هاتنە ئارمانجکرن، لێ حەتا نها هیچ زانیاریەک دەربارا زیانێن پەکەکێ د دەست دا نینە.

چاڤکانیێن پێگەها دارکا مازی ئاشکەرا کرن، ئیرۆ دەمژمێر 10:20ێ پێش نیڤر بالەفرێن جەنگی یێن دەولەتا ترکیێ ستارگەهێن پەکەکێ ل چیایێ گابنیرکێ کو دکەڤیتە بەرامبەری گوندی شمایلا یێ سەر ب ناحیا کانی ماسێ ڤە بۆردۆمان کرینە.

هەر کو دچیت ئێریشێن دەولەتا ترکیێ بۆ سەر باشوورێ کوردستانێ ب بەهانەیا هەبوونا چەکدارێن پەکەکێ پێتر دبن و چەکدارێن پەکەکێ ژی پێتر ژ هێلا سنۆری دوور دکەڤن و بەرێ خوە ددەنە ناڤا باشوورێ کوردستانێ و ژ بۆی پاراستنا خوە ژ ڤان ئێریشان خوە پێتر نێزیکی گوند و باژێران دکەن، ئەڤ یەک ژی بوویە سەدەم کو مەترسی بکەڤیتە سەر گەلێ باشوور، خەلک ژ پەکەکێ داخواز دکەت ژ گوند و باژێرۆکێن وان دوور بکڤن داکو جانێ وان نەکەڤیتە د مەترسیێ دا، لێ بەلێ پەکەکە هیچ گرنگیەکێ ب ڤێ داخوازا خەلکی نادەت و پێتر خوە نێزیکی وان دکەت.