سەرۆکێ گشتی یێ پارتیا نژادپەرەست یا ترکیا (مەھەپێ) دوڤلەت باخچەلی داخواز کر دادگەھا دەستووری یا ترکیا بهێتە گرتن، ژ بەر کو یەکسەر بریارا گرتنا ھەدەپێ نەدایە!
سەرۆکێ گشتی یێ مەھەپێ، دەولەت باخچەلی ئیرۆ د جڤینا فراکسیۆنا پارتیا خوە دا ب توندی ئێرشی دادگەھا دەستووری یا ترکیا، کو بلندترن دەزگەھا یاسایی ل ترکیا یە، کر.
دەولەت باخچەلی ژ بەر وێ یەکێ ئێرشی وێ دادگەھێ کر کو یەکسەر بریارا گرتنا ھەدەپێ نەدایە.
باخچەلی داخواز کر دادگەھا دەستووری بهێتە گرتن و ل شوونا وێ دادگەهەکا دی بهێتە ئاڤاکرن.
حەفتەیا بۆری حکوومەتا ترکیا داخوازا گرتنا ھەدەپێ کربوو، دادگەھا دەستووری ژی داخوازا بەلگەیێن زێدەتر کربوو، ژ بەر وێ ژی دۆسیەیا گرتنا ھەدەپێ ھاتبوو پاشخستن.
