ل سنۆرێ سگێرێ و چه‌لكی 5 گه‌ریلا هاتن هه‌ده‌ف كرن

ل سنۆرێ سگێرێ و چه‌لكی 5 گه‌ریلا هاتن هه‌ده‌ف كرن

د هێرشێن دوهـی دا‌ كو باله‌فرێن ده‌وله‌تا تركیێ ل باشوورێ كوردستانێ ئه‌نجام داینه‌، 5 گه‌ریلایێن په‌كه‌كێ هاتنه‌ هه‌ده‌ف كرن.

باله‌فرێن ده‌وله‌تا تركیێ دوهی رۆژا سێشه‌مبیێ 6/4/2021ێ، دوو جاران هێرشا رێخستنا په‌كه‌كێ ل باشوورێ كوردستانێ كر، هێرشا یه‌كه‌مین ل سنۆرێ ئامێدیێ پێكهات، وه‌ختا كو باله‌فران ستارگەهێن چه‌كدارێن په‌كه‌كێ ل گوندێ سگێرا کەڤن کو ب دووراتییا 6 کیلۆمەتران دکەڤیتە باکورێ رۆژهەلاتێ باژارۆكێ ئامێدیێ، ئارمانج کرن.

هێرشا دوویه‌مین ل به‌ربانگا هه‌ما رۆژێ چێبوو و باله‌فرێن تركیێ د ڤێ هێرشێ دا‌، ده‌ڤه‌را ب ناڤێ كانیا میرا ل ئاقارێ گوندێ چه‌لكێ، ل سنۆرێ كانی ماسێ هه‌ده‌ف كرن.

ئیرۆ رۆژا چارشه‌مبیێ 7/6/2021ێ، وه‌زاره‌تا پاراستنا نه‌ته‌وی یا تركیێ ئه‌شكه‌ره‌ كر، د ڤان هێریشان دا‌، 5 چه‌كدارێن په‌كه‌كێ هاتنه‌ هه‌ده‌ف كرن، رێخستنا په‌كه‌كێ چ ئاگاهی ل ده‌ربارا ژ ده‌ست دانا ڤان چه‌كدارێن خوه‌ نه‌دانه‌.

پوستێن ھەمان بەش