چه‌كدارێن رێخستنا په‌كه‌كێ جاره‌كا دی بوونه سه‌ده‌ما بۆرۆدمان كرنا گوندێن باشوورێ كوردستانێ، ئیرۆ جاره‌كا دی ئاقارێ گوندێ بێبادێ یێ گرێدای پارێزگه‌ها دهۆكێ كه‌ت به‌ر هێرشان.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا پێنجشه‌مبی 8/3/2021ێ، باله‌فرێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل نێزیكی گوندێ بێبادێ یێ گرێدای ناڤچه‌یا چه‌مانكێ ل پارێزگه‌ها دهۆكێ هه‌ده‌ف كر.
هێرش ل دمژمێر 2:30 پاش نیڤرۆژێ پێكهاتییه، وه‌ختا كو چه‌كدارێن په‌كه‌كێ خوه نێزیكی گوندی كرین، ب تایبه‌ت ل ناڤچه‌یا ب ناڤێ كلیلۆ كو دبیته ئاقارێ گوندێ بێبادێ و باله‌فران یه‌ك رۆكێت ل وێ ناڤچه‌یێ خستن.
چه‌كدارێن په‌كه‌كێ ئه‌ڤ ده‌مه‌ك درێژه ئاوایێ ته‌ڤگه‌ریانا خوه ل باشوورێ وه‌لات گوهارتییه، ئێدی ڤێ رێخستنێ حه‌ره‌كه‌تا چه‌كدارێن خوه ئێخستییه ناڤ گوند و ده‌ردوورا باژارۆكان و ب ڤێ سه‌ده‌مێ گوندێ باشوور به‌رده‌وام دكه‌ڤن به‌ر هێرشا، زیانا هێرشان ژی ته‌نێ ب خه‌لكێ باشوور دكه‌ڤیت.
