ئه‌فیۆنا گه‌لان و ئه‌فیۆنا كوردان

ئه‌فیۆنا گه‌لان و ئه‌فیۆنا كوردان

پارتییا کارکەرێن کوردستانێ “پەکەکە” هەر ژ دەما دامەزراندنا خوە هەتا نها، رۆژ ناچیت د راگه‌هاندنێ دا به‌حس ل لەهەنگی، سەرکەفتن، ئازادی و دیمۆکراسیەتێ نەکەت، ئه‌و ب ره‌نگه‌كێ وه‌سا باس ل ڤان تشتان دکەت کو هنده‌ك جاران مرۆڤ هزر دكه‌ت ژ خەوەک گران رابوویە و ئەڤ بوویەرێن کو پەکەکە قالا وان دکەت هەمی ب راستی ژی رووداینە، مرۆڤ پر حەسرەتان ژ بۆی ژ دەست دان و نەدیتنا ڤان دیمەنان دخۆت.

لێ دەما مرۆڤ دهێته‌ سەر هشێن خوە و ل دەرڤەی راگه‌هاندنا پەکەکێ ل بوویەران دنێریت، هەر تشت بەرەڤاژی دبیت، نە سەرکەفتنەک، نە لەهەنگییەک و نە ژی چ تشتەکێ دی کو د مفایێ کوردان دا بیت، پەکەکێ ئەنجام نەدایە، تنێ وەک راگه‌هاندنا سه‌رده‌ما نازییان ل ئەلمانیا هەر تشتی د بەرژەوەندییا خوە دا دبێژن و هێزا پەیڤان بکار دئینن.

 ژ بەختێ رەشێ کوردان ژی، پەکەکە پتر ژ هەر کەس و ئالییەکێ دی پسپۆرترە د ڤێ یەکێ دا و ب یاریێ ب پەیڤان دكه‌ت، ب چاپەمەنییا د دەستێ پەکەکێ دا هەیی، پەکەکە شیایه‌ هەموو خرابی، شاشی، نەجوانی و خیانەتێن خوە جوان بکەت و بەرەڤاژی ژی شیایه‌ هەموو باشی، جوانی و سەرکەفتنێن ئالیێن دی وەک خیانەت و بنکەفتن و دژە کوردان نیشان بدەت.

په‌كه‌كێ ب قه‌ده‌ر ده‌وله‌تێن داگیركه‌ر زیان گه‌هاندییه‌ خه‌لكێ باشوورێ كوردستانێ

پەکەکێ هەتا نها نە ل باکور نە ل رۆژهەلات و نە ژی ل چ پارچه‌یه‌كا کوردستانێ کەسەکێ ترک یان فارس یان عەرەب ب سووچا سیخۆریێ نەکوشتییە، لێ ب دەهان کورد کوشتینە

گەر ئەم باس ل کارێن پەکەکێ یێن دژی کورد و کوردستانێ و د بەرژەوەندییا دەولەتێن داگیرکەر دا بکه‌ین، دەمەک هند درێژ پێ دڤێت کو ب راپۆرتەکێ یان گۆتار یان پرتووکەکی ب دوماهی ناهێن، لێ ئەم دێ د ڤێ نڤیسنا خوە دا تنێ باس ل هنەک کار و کریارێن پەکەکێ كه‌ین کو ل د دەما 5 سالان دا ل دژی کوردان و کوردستانێ ئەنجام دانە.

 تشتێ هەره‌ سەیر ئه‌وه‌ کو په‌كه‌كه‌ هەموو کارێن ئەنجام دایین د راگه‌هاندنا خوە دا وەک قه‌هره‌مانی و شەرێ دژە سیخۆران داینە دیار کرن، ئەو زه‌ره‌ر و زیانێن پەکەکێ د دەمێ 5 سالان دا تنێ ل باشوورێ کوردستانێ ل دژی کوردان ئەنجام داین ب قه‌ده‌ر وان تاوانانە یێن کو دەولەتێن داگیر که‌ر ل دژی ڤێ پا‌رچه‌یا ئازاد یا کوردستانێ ئەنجام داین.

په‌كه‌كێ چ تاوانه‌ نه‌مایه‌ ل دژی گه‌لێ كورد نه‌كری

پەکەکێ هەتا نها نە ل باکور نە ل رۆژهەلات و نە ژی ل چ پارچه‌یه‌كا کوردستانێ، کەسەکێ ترک یان فارس یان عەرەب ب سووچا سیخۆریێ نەکوشتییە، لێ ب دەهان کورد کوشتینە، پەکەکێ ل باکور چ کارساز، جۆتکار، شڤان، بازرگان نەکوشتینە، لێ بەلێ ب سەدان جۆتکار، کارساز، شڤان و بازرگانێن کورد ب سووچێن بێ بنەما کوشتینە.

ل باکور چ جاران مە نەبهیستییە پەکەکێ گەف ل سازییەکا راگه‌هاندنێ یا د دەست ترکان دا کربیت و ژێرا گۆتبیت گەر هوون تشتەکی ل دژی مە چاپ بکه‌ن ئەم دێ وە ژ هۆلێ راکه‌ین، مە نەدیت چ جاران پەکەکە گەفان ل بازرگانه‌كێ ترک بکەت کو گەر باجێ نەدەته‌ وان ئەو دێ کارێ وی تێک بده‌ن و دەستووریێ نەده‌نێ کار بکەت، مە نەدیت بۆ جارەکی ژی پەکەکێ ل باکورێ کوردستانێ گەف ل كادره‌کێ پارتییەکا ترک کری و ژێرا گۆتبیت نابیت “د ناڤچەیێن د بن دەستهلاتدارییا مە دا ژ بۆ چ پارتییەکا‌ دی کار بکه‌ی”، مە نەدیت بۆ جارەکا ب تنێ ژی پەکەکێ باج ژ ترک یان فارس یان عەرەبەکی ستاندی، لێ بەلێ ئەڤ کار هه‌موو و ب سەدان کارێن دی یێن قرێژ ژی ل دژی کوردان ئەنجام داینە.

ل باکور پەکەکە رێ نادەت چاپخانەیەک تشتەکی ل دژی پەکەکێ چاپ بکەت هەر زوو ب دارێ زۆرێ وێ چاپخانەیێ دده‌نه‌ گرتن، گەر بازرگانەک کورد باجێ نەدەت دێ کارێ وی هێته‌ ژناڤبرن، دێ هێته‌ سۆتن هەتا کو نەچار ببیت باجێ بدەت، گەر رۆژنامەڤانەک کورد تشتەکی ل دژی وێ بێژیت دێ وی وەک سیخۆر و کرێ گرتیێ ئاکەپێ و میتا ترکان ده‌نه‌ ناساندن و دوماهی جار دێ ب ره‌نگه‌كی ژ ره‌نگان وی تەسفیە كه‌ن، ب کورتی چ تاوانەک نه‌مایه‌ کو پەکەکێ دەرحەق کوردان دا نه‌كربیت.

ئه‌فیۆنا گه‌لان و ئه‌فیۆنا گه‌لێ كورد

ئێشا گەمار ل باکور دەستپێکر، بەر ب باشوور هات، پاش هه‌موو جه‌سه‌دێ كوردستانێ گرت

مارکس د یەک ژ ئاخفتنێن خوە دا دبێژیت: “ئۆل ئه‌فیۆنا گەلا یە”، لێ ژ بۆی مە کوردان د نها دا پەکەکە بوویە ئه‌فیۆن، پەکەکە نها ل هەر چار پارچەیێن کوردستانێ و ب تایبەتی ل باشوورێ کوردستانێ بوویە ئه‌گه‌را ئالۆزی و ئاسته‌نگێن هەره‌ زێدە ژ بۆی گەلێ کورد، پەکەکە وەک په‌نجه‌شێرێ کەتییە جیانێ كوردستانێ، ڤێ ئێشا گەمار ل باکورێ کوردستانێ دەستپێکر، بەر ب باشوور ڤه‌ هات، پاش هەموو جه‌سه‌دێ رۆژئاڤا و هنده‌ك بەشێن رۆژهلات گرتن، نها کورد نەچار ماینە زێدەباری سەر مل راگرتنا زۆرا داگیرکەرێن کوردستانێ، زۆرا پەکەکێ ژی سەر ملێن خوە راگرن، گرانییا پەکەکێ ئێخستییە سەر ملێن کوردان ب تایبەتی ل کوردستانا باشوور کو ب تاکە پارچەیا ئازاد یا کوردستانێ دهێته‌ هه‌ژمارتن، گەر ب قه‌ده‌ر گرانییا دەولەتێن داگیرکەر نه‌بیت ب چ ره‌نگه‌كی کێمتر نینە.

ل باشوور پەکەکە هەر کارەکی ل دژی خه‌لكی دکەت، کوردێن باشوور ژ گوندێن وان دەر دئێخیت، باجێ ژ وان دستینیت و ب تاوانێن چێکری وان ددەته‌ کوشتن، هنده‌ك ژ وان ب سووچا سیخۆریێ ژ بۆی سازیێن ئێمناهییا باشوور!! هنده‌ك ژ وان ب سووچا سیخۆریێ ژ بۆ میتا ترک و هنده‌ك ژ وان ژی ب تاوانا رەخنە کرنا ئاپۆ و پارتیێ وەک خائین ددەته‌ ناساندن و کوشتن، چ کارەکی گەمار نەمایە کو پەکەکێ ل باشوورێ كوردستانێ نەکربیت.

پێگه‌ها داركا مازی جینایه‌تێن رێخستنا په‌كه‌كێ یێن ل دژی گه‌لێ سڤیلێ باشوورێ كوردستانێ ژ سالا 2017ێ هه‌تا رۆژا مه‌ یا ئیرۆ ب به‌لگه‌ و دۆكیۆمه‌نت كۆم كرینه‌، ل رۆژێن پێش مه‌، ئه‌م دێ د زنجیره‌یه‌كا بابه‌تێن ڤیدیۆیی ده‌ بێخین به‌رچاڤان، ژ بۆ كو گه‌لێ باشوور روویێ راست یێ ڤێ رێخستنێ ناس بكه‌ت‌ كانێ ب چ ئاوایی ئه‌و ب ته‌رزێ داعشێ و گرۆپێن مافیایێ، سڤیلان قه‌تل دكه‌ت‌، كه‌چ و زارۆیان ل پێش چاڤێن دایك و بابێن وان د سۆژیت، كه‌چان ل سه‌ر رێیێن دبستانێ د ره‌ڤینیت‌ و ب ده‌هان تاوانێن دی یێن وه‌حشی كو ئه‌ڤ رێخستنه‌ ناڤێ به‌رخوه‌دانێ لێ دكه‌ت و بۆ خوه‌ وه‌ك قه‌هره‌مانی د هه‌ژمێریت‌.