په‌كه‌كێ 4 سنێله‌یێن كورد ب ده‌ستێ تركیێ دان كوشتن
رێخستنا په‌كه‌كێ، ئیرۆ نووچه‌یا كوشتنا 4 سنێله‌یێن كورد و یه‌كێ عه‌ره‌ب ل چیایێ مه‌تینا یێ باشوورێ كوردستانێ راگه‌هاند.
هه‌په‌گێ، بالێ له‌شكری یێ په‌كه‌كێ، ئیرۆ رۆژا دووشه‌مبی 12/4/2021ێ، نووچه‌یا كوشتنا 4 سنێله‌یێن كورد و یه‌كێ عه‌ره‌ب ل چیایێ مه‌تینا یێ باشوورێ كوردستانێ راگه‌هاند، وه‌ك هه‌رجار ناڤ و وێنه‌یێن ڤان چه‌كداران به‌لاڤ كرنه، لێ به‌لێ چ ئاگاهی ل ده‌ربارا ته‌مه‌نا وان نه‌داینه، ژ بۆ كو تاوانا ره‌ڤاندنا زارۆكان ل سه‌ر وێ ته‌سبیت نه‌بیت.
ناسنامەیا وان 5 چه‌كدارێن په‌كه‌كێ یێن كو ل مه‌تینایێ هاتنه كوشتن وه‌هایه:
شیار عه‌لائه‌ددین ژ كۆبانی.
فەریات ئۆکای ژ ئێلھێ.
مه‌حموود جومعا ژ حەلەبێ- عه‌ره‌ب.
ئیبراھیم بەکیر ژ کۆبانی.
چمشیدە زبا ژ سالماسێ.
ئه‌ڤ 5 چه‌كدارێن په‌كه‌كێ، به‌رییا ساله‌كێ هاتنه كوشتن و په‌كه‌كه ژ نوو ڤه ئیرۆ هاتییه دبێژیت، ئه‌م ڤان ملیتانێن نموونه یێن ئاپۆی ب رێزداری ل بیر دئینین.
هه‌په‌گێ ل ده‌ربارا ڤان چه‌كداران ئه‌ڤ یه‌ك گۆتییه:
ھەڤرێیا مە جه‌مشیده ل سه‌ر بنگه‌ها پارادیگمایا ئاپۆ دڤییا ژنێ رزگار بكه‌ت!.
مه‌حموود، لەھەنگێ مە یێ عەرەب فەراسەتا نەتەوی یا ئاپۆی باندۆر لێ كربوو!.
شیار عه‌لائه‌ددین، د ئیدۆلۆژیا ئاپۆی دا خوە کوور کربوو!.
فه‌ریات ملیتانەکی نموونه یێ ئاپۆی بوو!.
ژ كارێن قرێژ و گه‌مار یێن په‌كه‌كێ ئه‌وه كو ئه‌ڤ رێخستنه زارۆكێن كوردان وه‌ك فیشه‌كا ل به‌ر تڤه‌نگا خوه دبینیت، دشێت هه‌ر هه‌موویان فه‌دایێ وی زه‌لامێ د ئیمرالیێ دا رازای بكه‌ت.
رێخستنا په‌كه‌كێ ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكێن كورد ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن مافێن مرۆڤان و یێن مافێن زارۆكان ڤه هاتییه ته‌سبیت كرن.
